پاکستان کے نامور مذہبی اسکالر، ٹی وی میزبان و اینکر پرسن اورکسی نہ کسی وجہ سےتنازعات کا موضوع بننے والے پاکستان تحریک انصاف (پی ٹی آٗئی) کے رہنما ایک بار پھرایک اور متنازع بیان کے ساتھ سامنے آگئے۔

تفصیلات کے مطابق اپنے منفردجملوں اور انداز سے مقبولیت حاصل کرنے والے نامور ٹیلی وژن کے میزبان عامر لیاقت نے جمیعت علمائے اسلام (ف) کو تنقید کا نشانہ بناتے ہوئے مضحکہ خیز جملے کس دیے۔

انہوں نے سماجی رابطے کی ویب سائٹ ٹویٹر پرٹویٹ کرتےہوئے لکھا ہے کہ ’ڈینگی مچھر یا مچھری کا تعلق مبینہ طور پر جے یو آئی سے نکل آیا، مچھر یا مچھری کا ظاہری جسم جے یو آئی کے پرچم سے ناقابل یقین حد تک مشابہت رکھتا ہے۔‘

ڈینگی مچھر یا مچھری کا تعلق مبینہ طور پر جے یو آئی سے نکل آیا، مچھر یا مچھری کا ظاہری جسم جے یو آئی کے پرچم سے ناقابل یقین حد تک مشابہت رکھتا ہے pic.twitter.com/OQ8RaDPB9a

Advertisement

— Aamir Liaquat Husain (@AamirLiaquat) December 4, 2019

ایک اور ٹویٹ میں عامر لیاقت نے جے یو آئی رہنمامفتی کفایت اللہ کے وزیراعظم عمران خان کی سابق اہلیہ جمائما خان پر وکی لیکس والے بیان کی بھی یاد دلا دی۔

عامر لیاقت نے طنزیہ انداز میں ٹویٹ کرتے ہوئے لکھا کہ ’ڈینگی مفتی کفایت کی کزن ہے‘۔

ڈینگی مفتی کفایت کی کزن ہے pic.twitter.com/fRoIfIp2Gn

Advertisement

— Aamir Liaquat Husain (@AamirLiaquat) December 4, 2019

عامر لیاقت کا یہ بیان انہوں نے کس پیرائے میں دیا؟ اس پرمیڈیا کوان کے اگلے بیان کا شدت سے انتظار ہے۔

یاد رہے کہ جمعیت علمائےاسلام (ف) کےرہنمامفتی کفایت اللہ کے وزیراعظم عمران خان کی سابق اہلیہ جمائماگولڈاسمتھ کووکی لیکس کا کزن کہنے کادعویٰ سوشل میڈیا صارفین کیلئےہنسی کا سامان بن گیا تھا۔جس کے بعد سماجی رابطے کی ویب سایٹ ٹویٹر پرلوگوں نے انہیں خوب تنقید کا نشانہ بنایاتھا۔