ٹک ٹاک اسٹار حریم شاہ نےحکومتی جماعت تحریک انصاف پاکستان کےسوشل میڈیا حامیوں کودھمکی دی تھی، انہوں نے حکومتی حامیوں کوکھلے الفاظ میں ٹویٹ کرتےہوئے کہاہےکہ اگر ان کی مخالفت کا سلسلہ جاری رکھیں گے تو بہت جلد ’خان صاحب‘ کی ویڈیو بھی جاری کردی جائے گی۔

اہم ترین سرکاری لوگوں اور مقامات پرٹک ٹاک ویڈیوز بنانےوالی حریم شاہ کی ایک اور ٹویٹ نے سوشل میڈیا پرایک نئی بحث کو جنم دے دیا۔

ٹویٹ میں حریم نےپی ٹی آئی کے سوشل میڈیا حامیوں کو دھمکی دیتے ہوئے کہا ہے کہ اگر انہوں نے ان کے خلاف پوسٹیں لگانا بند نہ کیں تو وہ ’خان صاحب‘ کی ویڈیو بھی جاری کردیں گی۔ تاہم کچھ دیر بعدانہوں  نے فوری یہ ٹویٹ ڈیلیٹ کر دی۔

حریم شاہ نے پی ٹی آئی کے حمایتیوں کو مخاطب کرتے ہوئےلکھا تھاکہ : ’غصہ نہ دلائیے، یہ نہ ہو کہ خان صاحب کی بھی ویڈیو لگا دوں۔‘

یہاں یہ بات بتانا ناگزیر ہے کہ خان صاحب سے مراد وزیرِاعظم عمران خان ہیں۔

ٹک ٹاک اسٹار کی جانب سے تو یہ ٹویٹ ڈیلیٹ کردی گئی تاہم سوشل میڈیا والوں نے اسے فوراً ہی محفوظ کرلیا تھا اوراب یہ دھڑا دھڑ شیئر کی جارہی ہے۔

گزشتہ روزحریم شاہ نےوفاقی وزیر ریلوے شیخ رشید احمد کے ساتھ ایک مبینہ ویڈیو جاری کی تھی جس میں وہ بظاہر فون پر ان سے بات کر رہی ہیں۔

حریم پرپی ٹی آئی کے ٹرولزسوشل میڈیا پر حملہ آور ہوگئے۔ مبینہ ویڈیومیں دعویٰ کیا گیا ہےکہ حریم شاہ شیخ رشید کےساتھ کال پرموجود ہیں، شیخ صاحب اوران کی  بےتکلفانہ گفتگو ویڈیو کال پرجاری ہے۔

فوٹیج میں بظاہر حریم شاہ کی آواز میں ایک خاتون کو یہ کہتے سنا جا سکتا ہے: ’اچھا میری بات سنیں، کیا میں نے آج تک آپ کا کوئی راز فاش کیا ہے؟ آپ مجھ سے بات کیوں نہیں کرتے‘؟

شوبزفنکاروں کےبعداب سیاستدان، ایک اورویڈیو لیک ہوگئی  

جواب میں شیخ رشید کہتے ہیں: ’جو کرنا ہے کرو اللہ مالک ہے،‘ اور فون کاٹ دیتے ہیں۔

حریم شاہ بولتی رہتی ہیں اور ان پر الزام لگاتی ہیں کہ وہ انہیں نازیبا ویڈیوز بھیجا کرتے تھے۔ کال پروہ کہتی ہیں، ’کیا وہ آپ بھول گئے ہیں‘۔

اسی اکاونٹ پر ایک ٹیلی فون کال کی ریکارڈنگ بھی شیئر کی گئی ہے جس میں دیکھاجاسکتا ہے کہ حریم شاہ نےشیخ رشید کو فون کیا توانہوں نے آگے سے کہا کہ وہ اپنی بھتیجی کے جنازے میں موجود ہیں اس لیے ابھی بات نہیں کرسکتے۔

میں اس وقت جنازے پر ہوں میری بھتیجی مر گئی ہے میں صبح بات کروں گا
شیخ رشید کا تردید بیان بھی جاری pic.twitter.com/hUSDTa6T5N

— زاہد لائلپوری (@zahid_pmln) December 25, 2019

بعد ازاں حریم نے ایک ویڈیو پیغام جاری کیا جس میں ان کا کہنا تھا کہ وہ کسی کو بدنام نہیں کرنا چاہتیں اور انہوں نے کہاکہ ان کےپاس اتنا فضول وقت نہیں۔ ’یہ سب آپ لوگوں کا ہی کام ہے کسی کی بھی عزت اچھالنا۔ جو لوگ میرے پیچھے ہاتھ دھو کر پڑ گئے ہیں میرا پیچھا چھوڑ دیں‘۔

سوشل میڈیا پرشدید تنقید کاسامنا کرنے کےبعد حریم نے وزیراعظم عمران خان کے راز افشا کرنے کی بھی دھمکی دی اور فوراً ہی ڈیلیٹ کر دی۔ تاہم یہ ٹویٹ ٹویٹر پر آگ کی طرح پھیل گئی اور تاحال ٹرینڈ کر رہی ہیں اور لوگ سوال اٹھا رہے ہیں ہے کہ معاملہ آخر ہے کیا؟