پاک فوج کے شعبہ تعلقات عامہ (آئی ایس پی آر) کے ڈائریکٹر میجر جنرل آصف غفور نے بھارتی فلم سازوں کو ’بالا کوٹ‘ حملے پر فلم بنانے کے اعلان پر کرارا جواب دیتے ہوئے کہا ہے کہ بھارت کا خواب بولی وڈ فلم کے ذریعے ہی پورا ہو سکتا ہے۔

تفصیلات کے مطابق آئی ایس پی آر کے ڈائریکٹر جنرل (ڈی جی) میجر جنرل آصف غفور نے سما جی تعلقات کی ویب سائٹ ٹوئٹر پرانڈیا ٹوڈے کی خبر ٹوئیٹ کرتے ہوئے کہا کہ ’پاکستان ایئر فورس‘ (پی اے ایف) کی جانبازوں کی جانب سے گرفتار کیے گئے بھارتی پائلٹ ابھی نندن کی وہ بطور سپاہی عزت کرتے ہیں مگر بھارت کا جھوٹا خواب تو فلم کے ذریعے ہی پورا ہوسکتا ہے۔

With due respect to WC Abhinandan as a soldier, yes the dream could only be fulfilled through Bollywood. Denial of sham strike on 26 Feb and wreckage of 2 IAF jets shot by PAF on 27 Feb will haunt you despite that.

Film on Balakot airstrike and Abhinandan https://t.co/rsZtgNdenD

Advertisement

— Asif Ghafoor (@peaceforchange) December 13, 2019

ذرائع کے مطابق پاک فوج کے ترجمان کا کہنا تھا کہ ’بالا کوٹ‘ حملے کے حوالے سے بھارتی وزیر نے خود اعتراف کیا کہ پاکستان کا کوئی نقصان نہیں ہوا اور عالمی برادری کو بھی اس حملے کے نقصانات کے شواہد نہیں ملے۔

واضح رہے کہ رواں برس 26 فروری کو بھارتی لڑاکا طیاروں نے بالاکوٹ میں فضائی حملہ کیا تھا اور اس حوالے سے نئی دہلی نے دعویٰ کیا تھا کہ انہوں نے جنگجوؤں کا کیمپ تباہ کردیا ہے تاہم پاکستان نے ان دعووں کو مسترد کردیا تھا جب کہ بعد ازاں بھارتی وزیر دفاع نے بھی حملے سے متعلق نقصان کی تفصیلات بتانے سے معزرت کرلی تھی۔

معروف میوزک بینڈ کا آصف غفور کےساتھ ’فنٹاسٹک ٹی‘ پینے کی خواہش کا اظہار

دوسری جانب اس حملے کے 2 دن بعد بھارت نے 28 فروری کو ایک بار پھر پاکستان کی فضائی حدود کی خلاف ورزی کی کوشش کی تھی تاہم پاکستان ایئر فورس کے جانبازوں نے کارروائی کرتے ہوئے بھارت کے دو لڑاکا طیارے مار گرائے اور ایک پائلٹ ابھی نندن کو گرفتار کر لیا تھا۔

صرف یہی نہیں بلکہ گرفتار کیے گئے بھارتی پائلٹ ابھی نندن کو پاکستان نے خطے میں امن کے قیام اور انسانی ہمدردی کے لیے یکم مارچ 2019 کو آزاد کرتے ہوئے بھارت کے حوالے کردیا تھا۔

سانحہ اے پی ایس پانچویں برسی، خصوصی ترانہ جاری

اب اس معاملے پر بالی وڈ فلم سازوں نے فلم بنانے کا اعلان کیا ہے۔

واضح رہے کہ فلم ساز سنجے لیلیٰ بھنسالی اور ٹی سیریز کی جانب سے ’بالا کوٹ‘ حملے کے پس منظر میں فلم بنانے کا اعلان کیا گیا ہے جس کی ہدایات ابھیشک کپور دیں گے۔

ابھی یہ واضح نہیں ہے کہ سنجے لیلیٰ بھنسالی اور بشن کمار کی یہ فلم کب تک ریلیز ہوگی، تاہم یہ خبر گردش کر رہی ہے کہ اس فلم کی شوٹنگ کا آغاز آئندہ سال ہوجائے گا۔