دہلی فسادات کے دوران ایک بھارتی بچےنےمودی سرکار کو للکار دیا۔ مودی کے خلاف نکلنے والی ایک ریلی میں بھارتی مسلمان بچے نے ’نریندر مودی مُردہ باد‘ کے نعرے لگا دیے اور کہا کہ بھارت کے پاس اگرلال قلعہ اورتاج محل نہ ہوتا تو کیا بھارت دنیا کو گائے کا گوبر دکھاتا؟

تفصیلات کے مطابق بھارت کے دارالحکومت دہلی میں جاری فسادات کےخلاف پورے شہرمیں احتجاجی ریلیاں نکالی جا رہی ہیں جس میں ناصرف نوجوان اوربوڑھے حصہ لے رہے ہیں بلکہ بچے بھی مودی سرکار سے اپنی حق خودارادیت چھیننے کیلئےکوشاں ہیں۔

احتجاجی ریلی کی ایک ویڈیو سوشل میڈیا پر وائرل ہو رہی ہے جس میں ایک 10 سال کا بچہ ریلی سےخطاب کر رہا ہے۔

"Had there be no Taj Mahal or Lal Quila, would you have shown Cow and Cow dung to the world?"
This is the speech of a kid in kanhaiya Kumar rally with crowd cheering for him, Is this their idea to save constitution?#TahirHussian #WeSupportTahirHussain #DelhiRiot2020 pic.twitter.com/L3WSnuTrCv

Advertisement

— Geetika Swami (@SwamiGeetika) February 28, 2020

وائرل ہونے والی ویڈیو میں دیکھا جاسکتا ہے کہ بچہ مودی سرکار کے مسلم مخالف اقدامات پر شدید برہم ہے کہ اُس نے ریلی میں ’نریندر مودی مُردہ باد‘ کے نعرے لگا دیے۔

 بچے نے اپنی تقریر کا آغاز اِس سوال سے کیا:

اگر نہ ہوتا تاج محل، لال قلعہ تو دُنیا کو کیا گائے اور گوبر دکھاتے تُم؟

معصوم بچے کے اِس سوال پر وہاں موجود تمام لوگوں نے بچے کی خوب حوصلہ افزائی کی اورتالیاں بجائیں۔

بھارتی بچے نے اپنی تقریر میں شاعر مشرق علامہ اقبال کی نظم ’ترانہ ملی‘ کا شعر پڑھا:

توحید کی امانت دلوں میں ہے ہمارے

آساں نہیں مٹانا نام و نشاں ہمارا

بھارتی بچے نے علامہ اقبال  کا ایک اور شعر پڑھتے ہوئے کہا:

آج بھی ہو جو ابراہیم کا ایمان پیدا

آگ کرسکتی ہے انداز گلستان پیدا

یہ اشعار پڑھنے کے بعد  بچے نے ’انقلاب زندہ باد اور نریندر مودی مُردہ باد‘ کے نعرے لگائے۔

بچے نے وہاں موجود لوگوں سے سوال کیا کہ ہم کیا چاہتے ہیں؟ اِس سوال کے جواب میں لوگوں نے کہا  ’آزادی۔‘

 بچے نے مودی سرکار سے آزادی مانگتے ہوئے کہا :

بچے مانگیں آزادی

جو تم نہ دو گے آزادی

ہم لڑکر لیں گے آزادی

ہے حق ہے ہمارا آزادی

ہے جان سے پیاری آزادی

ہے پیاری پیاری آزادی

کل قبر پر لکھنا آزادی

خون سے لکھنا آزادی

واضح رہے کہ نئی دہلی میں ہونے والے فسادات کے نتیجے میں  ہلاکتوں کی تعداد 42 ہوگئی ہے جبکہ 350 سےزائد افراد زخمی ہیں۔