شمسی کلینڈرمیں سارےہی مہینے30 یا 31 کےہوتےہیں تاہم فروری وہ واحدمہینہ ہےجوچارسال بعد 29 دنوں کاہوتاہےورنہ فروری 28 دن ہی کاہوتاہے۔

عام طو پرہرچارسال بعد فروری 29 دنوں کاہوتاہے،رواں سال 2020 میں فروری کامہینہ 29 دنوں کاہےاس سے چارسال قبل یعنی 2016 میں فروری کے 29 ایام ہی تھے۔

 بہت سارے لوگوں کواس کی وجہ معلوم نہیں کہ آخرچارسال بعد فروری کاایک دن کیسے اورکیوں بڑھ جاتا ہے۔

اس  حوالےسےماہرین فلکیات کاکہناہےکہ زمین کاسورج کے گردگردش کرنےکا دورانیہ 365 ایام پرمشتمل نہیں ہوتاہےبلکہ یہ 365 دن، پانچ گھنٹے 49 منٹ اور 12 سیکنڈکاہوتاہے۔

چونکہ زمین سورج کےگرد گردش کرتی ہےاس لیے موسم کی تبدیلی کاانحصاربھی زمین اورسورج کی گردش پرہی منحصرہوتاہے۔

ماہرین  فلکیات کےمطابق اگرہرسال چوتھائی دن کا فرق رکھاجائےتو یہ چارسال بعدپوراایک دن بن جاتا ہے یوں کلینڈرمیں ایک اضافی دن شامل ہوجاتا ہے۔

مؤرخین کا کہناہے کہ قدیم زمانے میں کلینڈر صرف دس مہینوں پر مشتمل تھا یعنی یہ مارچ سے شروع ہوکر دسمبر کر ختم ہوجاتا تھا، البتہ 713 قبل مسیح کا کلینڈر جب جاری ہوا تو اُس میں رومن بادشاہ نوما پوپیلیوس نے جنوری اور فروری کے مہینوں کو بڑھا دیا۔

 تو  29 فروری  کو پیداہونےوالےافرادچار سال بعد یعنی  رواں  سال 29 فروری  2020  کو دھوم  دھام اوربہترین  اندازمیں اپنی  سالگرہ کویادگاربنائیں  ۔