پاکستان کی ڈرامہ انڈسٹری میں مشہور ہونے والا ڈرامہ عہد وفا ریٹنگز کے نئے ریکارڈز بنانے میں کامیاب ہوگیا،اس ڈرامے کا ہر کردار اپنے منفرد انداز سے مداحوں کے دلوں میں گھر کر رہا ہے۔

مداحوں کے دلوں میں گھر کرنے والے کردار نوجوانوں میں بے حد مقبول ہورہے ہیں، بلکہ صرف نوجوان ہی نہیں تقریباً ہرعمر کے افراد اس ڈرامے کو بہت شوق سے دیکھ رہے ہیں۔

منفرد ڈرامہ پاک فوج کے تعاون سے بنایا گیا ہے، ڈرامےکے جس عنصر نے مداحوں کو اپنی طرف متوجہ کروایا وہ ہے اس کی منفرد کہانی اور ڈرامے کی ہدایت کاری ہے۔

حال ہی میں ڈرامے کی شوٹنگ کے دوران اس کی چند تصاویر وائرل ہوگئیں جس میں دیکھا جاسکتا ہے کہ سعد اور دعا اسٹیج پرموجود ہیں اور ان کے پیچھے کھڑے ہیں سعد کے دوست شہریار، شارق اور شاہ زین ۔ بظاہر تصاویر کو دیکھ کے معلوم ہوتا ہے کہ آئندہ قسطوں میں دعا اور سعد کی شادی ہوجائے گی۔

Advertisement

Just finished watching this episode. This couple has my heart #EhdEWafa pic.twitter.com/FZHhkK8OPH

— سحر (@Sehr85377034) February 19, 2020

تاہم ان تصاویر کے علاوہ دو اور تصاویر وائرل ہوئیں جو اندازے ک مطابق آخری قسط کی ہوں گی، یہ تصویریں سی ایم ایچ اسپتال کی ہیں جن کے وائرل ہونے کےبعد عوام کا تجسس ماند پڑ گیا۔کیونکہ بظاہر ایسا لگ رہا ہے کہ ڈرامے کی آخری قسط میں سعد شہید ہو جائے گا البتّہ اس حوالے سے تصدیق تو ڈرامے کی آنے والی اقساط میں ہی ہوگی۔

عہدِ وفا میں رانی کا کِردار ادا کرنے والی اداکارہ زارا نور عباس نے بھی سماجی رابطے کی ویب سائٹ انسٹاگرام پر ایک پوسٹ شئیر کی جس میں ان کے ہمراہ عثمان خالد بٹ، ڈرامے کے ہدایت کار سیفی حسن اور دیگر ٹیم موجود ہے، پوسٹ کے کیپشن میں اداکارہ نے لکھا کہ ‘شاہ زین اور رانی کی شوٹ ختم ہو چکی ہے’۔

اداکارہ نے مزید لِکھا کہ ّمیرے پاس بہت کچھ ہے کہنے کو لیکن میں آخری قسط کا انتظار کروں گیٗ۔

خیال رہے کہ اس سے قبل یہ خبریں بھی وائرل ہوئیں تھیں کہ ڈرامہ ’’میرے پاس تم ہو‘‘ کے بعد’عہدِ وفا ‘ کی آخری قسط بھی پاکستان بھرمیں بڑی اسکرین پر دکھائی جائں گی۔

سیفی حسن کی ہدایت کاری میں بننے والا یہ ڈرامہ 24 اقساط پر مشتمل تھا لیکن عوام میں انتہائی مقبولیت حاصل کر نے کے بعد ڈرامے کی مزید اقساط کی شوٹنگ کی گئی اور اب ڈرامہ اپنے اختتامی مراحل میں بھی داخل ہو چکا ہے ۔