سوشل میڈیا پرحال ہی میں ٹرینڈکرنے والا ہیش ٹیگ

#ShareToAware

صارفین کی توجہ کا خاص مرکز بنا رہاجس میں کچرا چننے والے ایک بچے کی تصویراورایمانداری کی کہانی زیرگردش ہے۔ کچرا چننے والے اس بچے نے3لاکھ سےزائد مالیت کا لفافہ  اس کے اصل مالک کولوٹا کر ایمانداری کی نئی مثال قائم کردی۔

سوشل میڈیا پرگردش کرنے والی ٹوئٹس کےمطابق صارف کا کہنا ہے کہ رواں ماہ کی 8 تاریخ کو ان کے گھر شادی کی ایک تقریب کے بعد 3لاکھ 50ہزار مالیت کا ایک لفافہ لاعلمی میں گُم ہوگیا۔

یہ واقعہ عباس نامی شخص کےساتھ پیش آیاجسےٹوئٹر پر انعام نامی صارف نے شیئر کیا۔

Almost PKR 350,000/- in an envelope went missing from our home after a wedding on 8 Feb 20.
After house search my mother thought it must've got thrown away in garbage.
We searched dustbins of our flats but found nothing.
On 10 Feb 20, my brother went to the kid on the right >> pic.twitter.com/Yw7KO5618m

— Inam (@mani_hahs) February 12, 2020

صارف کا کہنا ہے کہ پیسوں سے بھرے لفافے کو گھر میں جگہ جگہ تلاش کر لینے کے بعد والدہ نے خیال کیا کہ شاید خالی لفافوں کے ساتھ غلطی سے وہ بھی پھینک دیا گیا ہوگا۔

اسی شک کے پیش نظر ہم نے تمام فلیٹس کے کوڑے دان چھان مارے مگر لفافہ نہ مل سکا۔

صارف نے بتایا کہ 10 فروری کواُن کا بھائی فلیٹ کا کچرا چننے آنے والے بچے کے پاس گیا جو منسلک شدہ تصویر کے دائیں ہاتھ میں بیٹھا ہے۔ وہ بچہ اپنے معمول کے مطابق اس دن بھی آیا اور بھائی نےاس کو اپنے مسئلے سے آگاہ کیا۔

my brother went out to dumping station where his son has dumped the garbage of 9 February 2020 ( it was three bag full of garbage). He took my brother's number and promised that they will search their heart out and if they found anything they will give it back to us, however >>

— Inam (@mani_hahs) February 12, 2020

صارف نے بتایا کہ وہ بچہ ان کے بھائی کو سہراب گوٹھ میں اس جگہ لے گیا جہاں وہ پورا دن اکھٹا ہونے والا کچرا ڈالتے ہیں اور اپنے والد سے ملوایا۔

اس بوڑھے شخص نے انہیں امید دلائی کہ وہ اس لفافے کو ڈھونڈیں گے اور اگر مل گیا تو اسی حالت میں واپس دے دیں گے ۔

کچرا اٹھانے والوں نے ان کے بھائی کو اس ڈمپنگ اسٹیشن کا بھی دورہ کروایا جہاں اس نوجوان نے 9 فروری کو اکھٹا ہونے والا کچرا پھینکا تھا جو تین بڑے بڑے بوروں پر مشتمل تھا۔

اس نوجوان نے نمبر لیا اور وعدہ کیا کہ اگرلفافے کا سراغ ملاتوانہیں لوٹا دیا جائے گا۔

The envelope was full. Nothing, not even a single rupee was short.
My mother offered him a token of appreciation which he refused but on insisting he took very small amount. This act made me speechless. #MONEYISNOTEVERYTHING. #ShareToAware
(Shared by Abbas Naqvi)

— Inam (@mani_hahs) February 12, 2020

صارف کا کہنا تھا کہ اتنی بڑی مقدار میں کچرا دیکھ کرانکی ساری امیدیں دم توڑ چکی تھیں ، لیکن اسی دن تقریباً سہ پہر 3 بجے وہ بچہ ان کے گھر آیا اور پیسوں والا لفافہ میری والدہ کو تھمایا۔

انہوں نے لکھا کہ لفافے میں ایک روپیہ بھی کم نہ تھا، ان کی والدہ نے لفافے میں سے نکال کر کچھ رقم انہیں دینا چاہی تو انہوں نے لینے سے انکار کردیا۔

والدہ کے بے حد اصرار کرنے پر انہوں نے معمولی سی رقم لی تاہم ان کے اس فعل نے صارف کو لاجواب کردیا۔

کچرا چننے والےبچے کی ایمانداری کی یہ کہانی سوشل میڈیا پر زیادہ سے زیادہ شئیر کی جارہی ہے اور صارفین کی جانب سے اس بچے کی بھرپور حوصلہ افزائی ہورہی ہے۔

https://twitter.com/KhurmiMariner/status/1227628954586112000?s=20

سوشل میڈیا پراس کہانی پرمشتمل ٹوئٹس کو زیادہ سے زیادہ شیئر کیا جارہا ہے اورایمانداری اورمہربانی کا یہ عمل سوشل میڈیا صارفین کا دل جیت رہا ہے۔

ایک صارف کا کہنا تھا کہ دنیا ایسے ہی لوگوں کی ایمانداری کی وجہ سے قائم ہے۔

Another heart warming story from Pakistan which restores faith in humanity and this country. May Allah bless these people https://t.co/hzCerTgLmw

— Farooq (@farooqrathore) February 12, 2020

ایک صارف کا کہناتھا کہ کچرا چننے والےاس بچے نے کمال کردیا۔

Yaar kamal kardiya kamal 💞 https://t.co/RWsMeoh4d1

— The Leather Dude (@theleatherdude) February 12, 2020