زمین اورچاند کے فاصلے سمٹنے کو ہیں، دنیا آج مظاہر قدرت  کا انوکھا نظارہ کرے گی۔ چاند زمین کی انتہائی قربت کے سبب اسے نظارے کو برفانی چاند قراردیاجارہا ہے۔

تفصیلات کے مطابق قدرت کے منفرد نظارے کا آغاز آج شام 8 بجے سے شروع ہوگا اور کل شب تک یہ عروج پر پہنچ جائے گا۔ ماہرین فلکیات کا کہنا ہے کہ اس دوران چاند زمین سے نوے فیصد قریب ہوگا ۔

سردی میں عیاں ہونے والےاور چاند زمین کے انتہائی قربت کے سبب اسے نظارے کو برفانی چاند قرار دیا جارہا ہے۔ اسی سبب دہائی کے پہلے سپر مون کو سنومون کا نام دیا جارہا ہے۔

سنومون پاکستانی وقت کے مطابق شام 7سے 8 بجے کے دوران دیکھا جاسکے گا۔ اس وقت چاند جوبن پر آنا شروع کرے گا۔۔ اور اتوار کی شب 11 سے 12 بجے کے دوران اپنی پوری آب و تاب پر آجائے گا۔

کچھ ماہرین کے مطابق یہ سلسلہ جمعے کی شام سے شروع ہوچکا ہے ۔ اسی سبب رواں ویک اینڈ کو فل مون ویک اینڈ قرار دیا جارہا ہے ۔۔ خلانوردوں نے تجویز دی ہے کہ سنو مون کا مشاہدہ کرنے کیلئے مخصوص ایپلیکشنز ڈاؤن لوڈ کی جائیں ۔

واضح رہے کہ گذشتہ سال بھی فروری کے مہینے میں پاکستان سمیت دنیا کے تقریباً تمام ممالک میں سپرمون دکھائی دیاجو کہ زمین سے غیر معمولی طور پر قریب تھا۔