معروف مذہبی اسکالر اورعالم دین مفتی عبدالقوی کی نئی شادی کے سوشل میڈیا پر چرچے سنائی دے رہے ہیں، جس میں اطلاعات سامنے آرہی ہیں کہ انہوں نے ٹک ٹاک اسٹار سے نکاح کیا ہے اور اس کے بعد انہیں سوشل میڈیا ایپ کے استعمال سےبھی روک دیاہے۔

تفصیلات کےمطابق حال ہی میں مفتی عبدالقوی سے ایک انٹرویو کے دوارن بات کی گئی جس میں  ان کو تنقید کانشانہ بنایاگیا ہےاور کہا گیاکہ آپ کے نکاح کی وجہ سے ٹک ٹاک سے رنگینیاں ختم ہوگئیں لوگوں کو اس بات پر اعتراض ہے اورآپ نے جس سے نکاح کیا اس کو ٹک ٹاک سے روک دیا۔

مفتی عبدالقوی نےجواب دیتے ہوئے کہاکہ میں خواتین کی آزادی کا حمایتی ہوں مخالف نہیں، ہر وہ محترمہ جس سے میں نے نکاح کیا ان کو صرف میں نے ایک بات کہی ہے کہ اسلام کے دائرے میں رہتے ہوئے میرے معاملات کو پوشیدہ رکھتے ہوئے آپ جو کچھ کریں مجھےکوئی اعتراض نہیں۔

 مفتی قوی نے کہا کہ ’ہمارا آزاد ملک ہے اور آزادی بہت بڑی نعمت ہے میں تو کہتا ہوں 8 مارچ خواتین 9 مارچ مردوں اور 10 مارچ خواجہ سراوں کا ہونا چاہیے اور مفتی عبدالقوی تینوں کے اندر شرکت کرے گا‘۔

 انہوں نے کہا ’مجھے پتہ ہے جس طرح مرد حضرات میرے ساتھ محبت کرتے ہیں خواتین محبت کرتی ہیں اسی طرح خواجہ سرا بھی محبت کرتے ہیں‘۔

مفتی عبدالقوی کے مطابق اگر کوئی میرا مختصر تعارف پوچھےتو یہ ہوسکتا ہے کہ مفتی عبدالقوی وہ ہے جو سیلفی کے بھی بانی ہیں اور خواجہ سراوں کو اسٹیٹس اور اہمیت دینے والے بھی ہیں۔