بیٹی کی آن لائن کلاسسز اور مہنگا مو بائل با پ کی خودکشی کی وجہ بن گئے

شبین رضا

03rd Jul, 2020. 11:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیٹی کی آن لائن کلاسسز اور مہنگا مو بائل با پ کی خودکشی کی وجہ بن گئے

بھارت میں‌ بیٹی کی آن لائن کلاسز کیلئے مہنگا موبائل نہ خریدنے والے مجبور باپ نے دلبرداشتہ ہوکر خودکشی کرلی۔

بھارتی میڈیا کے مطابق بھارتی ریاست تری پورہ میں غربت سے تنگ گھرانے کی بیٹی نے آن لائن کلاسسز لینے کے لیے باپ سے اینڈرائیڈ موبائل فون کی فرمائش کی۔

45 سالہ سکمار نے پیسے نہ ہونے کی وجہ سے بیٹی کے لیے سادہ موبائل خریدا اور جب یہ اپنی 15 سالہ صاحبزادی کو دیا تو اُس نے لینے سے انکار کردیا اور کہا کہ اینڈرائیڈ فون کے بغیر وہ کوچنگ کی کلاس نہیں لے سکتی۔

والد کے اینڈرائیڈ موبائل فون نہ خریدنے پر بیٹی نے با پ کا لایا ہوا سستا مو با ئل زمین پر پھینک کر توڑ دیا اور والد سے ناراض ہوگئی۔

بیٹی کے اس ردعمل کے بعد والد نے کہا کہ میرے پاس اتنے پیسے نہیں کہ اینڈرائیڈ فون خرید کر دے سکوں۔

پولیس کے مطابق سکمار مزدوری کا کام کر کے اپنے گھر کے اخراجات پورے کرتا تھا،وہ کورونا کے باعث لاک ڈاؤن اور کام بند ہونے کی وجہ سے پریشان رہتا تھا جوکہ تین بچوں کا باپ تھا۔

واضح رہےکہ خودکشی کر نے والے شخص کے قریبی رشتے دار کا کہنا ہے کہ بیٹی کی ناراضی کے بعد وہ بہت زیادہ دلبرداشتہ ہوگیا تھا، کئی روز تک وہ خاموش رہا اور پھر بدھ کی رات اپنے کمرے میں پنکھے سے لٹک کر خودکشی کرلی۔