وفاقی وزیراسد عمر کا کہنا ہے کہ عالمی وبا کو رونا کی ویکسین کے حصول سے متعلق نیشنل کمانڈ اینڈ آپریشن سینٹر (این سی او سی ) نے حتمی سفارشات مرتب کرلی ہیں۔

تفصیلات کے مطابق وفاقی وزیربرائے منصوبہ بندی اسد عمر نے سماجی رابطے کی ویب سائٹ ٹوئٹر پر ٹوئٹ کیا کہ ویکسین کے حوالے مرتب کی جانے والی سفارشات منظوری کے لیے کل وفاقی کابینہ میں پیش کی جائیں گی۔

NCOC today finalized its recommendations for procurement of covid vaccine. These will be presented to the cabinet tomorrow for approval. The taskforce of experts headed by SAPM health Dr. Faisal Sultan had developed the recommendations which were discussed and finalized today

— Asad Umar (@Asad_Umar) November 30, 2020

انہوں نے بتایا کہ معاون خصوصی فیصل سلطان کی سربراہی میں ٹاسک فورس نے سفارشات تیار کی ہیں۔

واضح رہےکہ عالمی وبا کورونا وائرس کے سبب پاکستان میں ہونے والی اموات کی شرح2.02 فیصد ہوگئی ہے جبکہ عالمی سطح پر یہ تعداد2.32 فیصد ہے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 839 نئے کیسز رپورٹ ہوئے۔

پنجاب میں ایک لاکھ 19 ہزار 35، سندھ میں ایک لاکھ 73 ہزار 14، خیبر پختونخوا میں 47 ہزار 190، بلوچستان میں 17 ہزار 158، گلگت بلتستان میں 4 ہزار 649، اسلام آباد میں 30 ہزار 123 جبکہ آزاد کشمیر میں 6 ہزار 855 کیسز رپورٹ ہوئے۔

قبل ازیں وفاقی وزیراسدعمر کی زیرصدارت این سی اوسی کا اجلاس ہوا ، جس میں کورونا پھیلاؤ کی رفتار، متوقع کورونا ویکسین اور ایس اوپیز پر عمل سمیت طبی وسائل کی دستیابی پر غور کیا گیا۔

اجلاس میں سربراہ قومی ادارہ صحت میجرجنرل عامراکرام اور صوبائی چیف سیکرٹریز کے علاوہ دیگر متعلقہ حکام بذریعہ ویڈیولنک شریک ہوئے۔