محمد عامرکا انٹرنیشنل کرکٹ سے ریٹائرمنٹ کا اعلان

شبین رضا

17th Dec, 2020. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محمد عامرکا انٹرنیشنل کرکٹ سے ریٹائرمنٹ کا اعلان

قومی کرکٹرمحمد عامرنے انٹرنیشنل کرکٹ سے ریٹائرمنٹ کی تصدیق کردی۔

میڈیا ذرائع کے مطابق قومی ٹیم کے کھلاڑی محمد عامرنے انٹرنیشنل کرکٹ سے ریٹائرمنٹ کی تصدیق کرتے ہوئے کہا کہ انٹرنیشنل کرکٹ کوخیرباد کہنے کا فیصلہ کرلیا ہے۔

محمد عامرنے کہا کہ سری لنکن پریمیئرلیگ میں شرکت کے بعد ابھی کراچی پہنچا ہوں، کل جمعہ کو لاہورآنے پراس حوالے سے تمام تفصیلات شئیرکروں گا، ابھی انٹرنیشنل کرکٹ مزید نہ کھیلنے کا فیصلہ کیا ہے۔

قومی کرکٹر محمد عامر کا کہنا ہے کہ پی سی بی کی موجودہ مینجمنٹ کیساتھ کرکٹ نہیں کھیل سکتا ، موجودہ ٹیم مینجمنٹ مجھے ذہنی ٹارچر کررہی ہے، میں موجود ہ صورتحال میں ذہنی دبائو برداشت نہیں کر سکتا۔

فاسٹ بولر کا کہنا ہے کہ پرفارمنس کے باوجود مجھ پر طنز کیا جاتا ہے، موجودہ کوچز دبے لفظوں میں کہتے ہیں عامر دھوکہ دیا، مجھے پلاننگ کے تحت سائیڈ لائن کیا گیا، میرے بارے میں تاثر قائم کیا گیا کہ میں ملک کیلئے نہیں کھیلنا چاہتا۔

محمد عامر کا مزید کہنا ہے کہ اگلے دو دن میں سارا کچا چٹھا کھول دونگا۔