جانوروں کی انسانوں سے دوستی، محبت اور لگاؤ کی مثالیں موجود ہیں جسے دیکھنے والے کبھی فراموش نہیں کرسکتے ہیں۔

ان جانوروں کو پالتو بنالیا جائے تو یہ آپ کے الیکے پن کو دور کرنے اور آپ کو محبت کا احساس دلانے میں ہمیشہ آپ کے ساتھ رہتے ہیں۔

یہ انسان کی اپنی خواہش ہوتی ہے کہ وہ پالتو جانور کے طور پر کسے اپنے ساتھ رکھے لیکن زیادہ تر لوگ کتے، بلی یا طوطے کو ہی رکھنا پسند کرتے ہیں۔

ایسی ہی پالتو بلی کی ایک ویڈیو سوشل میڈیا پر وائرل ہوتی نظر آئی ہے جس میں اسے باقاعدہ طور پر اشارے کرتے ہوئے دیکھا جاسکتا ہے۔

اس ویڈیو میں دیکھا جاسکتا ہے کہ بلی اپنے مالک کو اپنی بھوک کے متعلق باقاعدہ طور پر اشاروں کے آگاہ کرتی ہے۔

بلی کے اس طرح پیش آنے کا اصل مقصد یہ ہے کہ اس کا مالک سننے کی صلاحیت سے محروم ہے اور وہ اپنی بلی کی آواز نہیں سن سکتا جس کی وجہ سے اسے اس کی بھوک کا علم بھی نہیں ہوپاتا ہے۔

اسی مقصد کے تحت اس پالتو بلی نے اپنے مالک کی معذوری دیکھتے ہوئے اشاروں سے اپنی بھوک بتانا سیکھ لیا ہے جس کی وجہ سے وہ کبھی بھوکی نہیں رہتی ہے۔

اس ویڈیو کو سوشل میڈیا پر اب تک ہزاروں صارفین دیکھ چکے ہیں اور ساتھ ہی اپنے خیالات اور جذبات کا بھی اظہار کر رہے ہیں۔