اسلام آباد سمیت ملک کے بیشتر علاقوں میں بارش

شبین رضا

26th Aug, 2019. 07:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد سمیت ملک کے بیشتر علاقوں میں بارش

اسلام آباد اور راولپنڈی سمیت ملک کے کئی علاقوں میں بارش ہوئی ہے جبکہ مزید بارش کی پیشگوئی بھی کی جارہی ہے۔

محکمہ مو سمیات کے مطا بق ہزارہ، راولپنڈی، گوجرانوالہ، سرگودھا، لاہور، فیصل آباد ڈویژن، اسلام آباد اور کشمیر میں کہیں کہیں جبکہ مالاکنڈ، پشاور، کوہاٹ، بہاولپور، ساہیوال، ڈی جی خان، ملتان ڈویژن اور گلگت بلتستان میں چند مقامات پر تیز ہواوٗں اور گرج چمک کے ساتھ بارش ہوسکتی ہے۔

محکمہ موسمیات کے مطابق سندھ ، بلوچستان میں کہیں گرمی کی شدت پہلے سے کم ہے تو کہیں موسم کچھ بہتر ہوگیا ہے، پنجاب میں حبس کی وجہ سے شہری پریشان ہیں۔

اسلام آباد میں صبح سویرے تیز بارش، موسم خوشگوار ہوگیا ، جبکہ صوابی شہر اور گردونواح میں بارش کا سلسلہ وقفے وقفے سے جاری ہے۔

دوسری جانب آزاد کشمیر میں نکیال کے مقام پر بارش کے بعد دھند نے حسین وادیوں کو اپنی لپیٹ میں لیے رکھا ہے جس سے وادی کا منظر مزید خوبصورت ہوگیا ہے، جبکہ باغ آزاد کشمیر میں بھی بارش اور ٹھنڈی ہوائوں سے موسم انتہائی خوشگوار ہے۔