کراچی میں اگلےتین سے چار روز موسم گرم اور مرطوب رہنے کا امکان ہے۔

محکمہ موسمیات کے مطابق کراچی میں کراچی میں سمندری ہواوں کے بند ہونے سے گرمی کی شدید لہر سےنےزور پکڑ لیاہے جو مزید3 سے 4دن تک جاری رہے گی۔

محکم موسمیات کے مطابق سمندری ہواوں کا رخ تبدیل ہونے سےشہر میں موجودہیٹ ویوشہریوں کوشدیدمتاثر کرسکتی ہے۔

چیف میٹرولوجسٹ سردارسرفرازکاکراچی میں ہونے والی عارضی موسمیاتی تبدیلی کے حوالے سےکہناتھا کہ انڈین گجرات اورممبئی کےجنوب میں ایک لوپریشرایریا بن گیا ہے۔ اس کے اثرات کے باعث کراچی کی ہوائیں متاثر ہوئیں ہیں۔

چیف میٹرولوجسٹ کا کہناتھاکہ سمندری ہوائیں چلنے کے باعث کراچی کا موسم معتدل رہتا ہےلیکن فی الحال ہواؤں کا رخ تبدیل ہوکر شمال مغرب ہوگیا ہے۔

محمہکہ موسمیات کے چیف کا مزید کہناتھا کہ سمندری ہوائیں بند ہوگئی ہیں اورریگستانی گرم ہواشہرمیں چل رہی ہے۔جب تک سمندر میں ہوا کا دباؤ کم رہے گا،کراچی کی ہوائیں اسی طرح متاثر رہے گی۔

 سردار سرفراز کامزید کہناتھا کہ اگلے تین سےچار روزگرمی کی شدت میں اضافے کے ساتھ شہر قائد کادرجہ حرارت 40 سے 41 تک جانے کا امکان ہے۔

 گرم کی لہر کے پیش نظرمطلع صاف ہونے اور سورج کی تپش براہ راست زمین پرپڑنے سےگرمی کی شدت زیادہ محسوس کی جائیگی جب کہ میدانی اور خشک علاقوں کی ہوائیں موسم گرم رکھیں گی۔

محکمہ موسمیات نے شدید گرمی کے پیش نظر الرٹ جاری جاری کرتے ہوئے شہریوں کوہلکےسوتی کپڑے پہنے اورہیٹ اسٹروک سے بچنے کیلئےپانی کا استعمال زیادہ سے زیادہ کرنےکی ہدایت جاری کی ہے۔