کراچی میں ایک بار پھر میں تیز ہوائوں کے ساتھ  بارشوں کا سلسلہ گرج چمک کے ساتھ جاری ہے۔

 .چار روز سے جاری گرمی زور ایک جھٹکے میں ٹوٹ گیا۔ بادلوں کو برستا دیکھ کر شہریوں کے چہرے کھل اٹھے

محکمہ موسمیات نے 25 اور 26 ستمبر کو بارش کی پیش گوئی کی تھی۔ ناظم آباد،  گلشن اقبال،  صدر ، ملیر ، اورنگی ، سرجانی ٹاون،  لیاقت آباد سمیت دیگر علاقوں میں بارش جاری ہے۔

 ۔ہوا میں نمی کا تناسب 92 فیصد ہے ۔ آج ذیادہ سے ذیادہ درجہ حرارت 8۔37 ڈگری سینٹی گریڈ ریکارڈ کیا گیا اس وقت شہر کا درجہ حرارت 25 ڈگری سینٹی گریڈ ہے۔

واضح  رہے کہ محکمہ موسمیات کی جان سے آج بارش کی پیش گوئی کی گئی تھی۔ آج  کراچی کے مختلف مقامات پر ہلکی بارش اور کہیں کل کی طرح آندھی آسکتی ہے۔

محکمہ موسمیات کے مطابق بحیرہ عرب میں بننے والا ہوا کاکم دباو سمندری طوفان میں تبدیل ہوچکا ہے، کل صبح تک یہ اومان کے مغربی ساحل پر اثرانداز ہوسکتا ہے،کراچی میں گرمی کی شدت میں ہیٹ ویو جیسی نہیں رہے گی لیکن موسم گرم ہی رہے گا جبکہ مختلف مقامات پر ہلکی بارش اور کہیں کل کی طرح آندھی آسکتی ہے۔

تفصیلات کے مطابق شہر کے مشرقی حصے میں بارش کا امکان زیادہ ہے جبکہ بھارتی گجرات میں ایک اور ہوا کا کم دباؤ بن رہا ہے جس کے باعث 26ستمبر سے بارشوں ایک سلسلہ شروع ہوسکتا ہے ،جس کے باعث تین سے چار روز کے دوران کہیں تیز اور کہیں معتدل بارش ہوسکتی ہے۔

محکمہ موسمیات کے مطابق کوئٹہ اور گردونواح میں مطلع صاف اور خشک ہے، کم سے کم درجہ حرارت19 ڈگری سینٹی گریڈ رکارڈکیاگیا ہے جبکہ بلوچستان کے دیگر بیشتر علاقوں میں مطلع صاف اور خشک ہے۔

پاکستان کے مختلف شہروں میں ریکارڈ کئے گئے کم سے کم درجہ حرارت کے مطابق زیارت میں 10،قلات میں 13،ژوب میں18 ،خضدار میں21،گوادر میں 24 اورلسبیلہ میں 27 ڈگری سینٹی گریڈ ریکارڈکیا گیا ہے۔

وا ضح رہے صوبے کے گرم علاقوں میں گرمی کی صورت حال برقرار ہے،گزشتہ دن سبی ، تربت میں 43 ،لسبیلہ اور نوکنڈی میں42 ڈگری سینٹی گریڈ ریکارڈ کیا گیا،آئندہ 24 گھنٹو ں کے دوران صوبے کے بیشتر علاقوں میں مطلع خشک ، گرم اور مرطوب رہنے کا امکان ہے۔

گزشتہ دن شہرقائد کے مختلف علاقوں میں بارش ہوئی ،کراچی میں گرم موسم اور چلچلاتی دھوپ سارا دن لوگوں کا امتحان لیتی رہی، حبس نے شہریوں کا برا حال کیے رکھا لیکن شام ہوتے ہی مختلف علاقوں میں کالے بادل چھاگئےگلشن،ملیر، سرجانی، کارساز اور شاہراہ فیصل پر تیز ہوا کے ساتھ بارش کا سلسلہ شروع ہوگیا۔

گلشن حدید، سعدی ٹاؤن، جوہر، صدر، پی آئی بی، جیل چورنگی، سبزی منڈی، بحریہ ٹاؤن، ناظم آباد اور ایئرپورٹ کے اطراف بھی بادل جم کر برسے اور مو سم خوشگوار ہو گیا۔