شہر قائد میں 4 اور 5 اکتوبر کو ہلکی بارش کا امکان

شبین رضا

01st Oct, 2019. 08:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد میں 4 اور 5 اکتوبر کو ہلکی بارش کا امکان

کراچی میں 4 اور 5 اکتوبر کو ہلکی بارش ہونے کا امکان ہے۔

تفصیلات کے مطابق کل سے ملک میں مغربی ہواؤں کا ایک اور سسٹم داخل ہونے کا امکان ہے جس سے ملک کے شمالی حصوں سمیت کراچی میں 4 اور 5 اکتوبر کو ہلکی بارش ہوسکتی ہے۔

محکمہ موسمیات کے مطابق مغربی ہواؤں کا یہ سسٹم ملک کے شمالی حصوں سمیت سندھ مین با رش برسائے گا جبکہ اس کے علاوہ بلوچستان کے 80 فیصد علاقوں میں اچھی بارشیں متوقع ہیں، شہر قائد میں 4 اور 5 اکتوبر کو ہلکی بارش ہوسکتی ہے۔

محکمہ موسمیات کا مزید کہنا ہے کہ مغربی ہواؤں کے زیرِ اثر کراچی میں مطلع ابر آلود اور تیز ہوائیں چل سکتی ہے، جبکہ 3 سے 6 اکتوبر کے دوران درجۂ حرارت بھی 32 سے 33 ڈگری سینٹی گریڈ کے درمیان رہے گا۔

دوسری جانب محکمہ موسمیات کا کہنا ہے کہ آج ملک کے مختلف حصوں میں موسم گرم اورمرطوب رہے گا، جنوب، مغربی بلوچستان کے اضلاع گودار، پنجگور ، پنجاب کے اضلاع سرگودھا، گجرات، فیصل آباد، لاہور، راولپنڈی اسلام آباد جبکہ خیبرپختونحوا کے اضلاع مانسہرہ، ایبٹ آباد ،پشاور، بنوں ، ڈی آئی خان میں بارش کا امکان ہے۔