محکمہ موسمیات کا کہناہے کہ اگلے 12گھنٹے کےدوران ملک کے بیشترحصوں میں موسم خشک رہے گا۔

تفصیلات کے مطابق محکمہ موسمیات کی جانب سےگلگت بلتستان اورکشمیر میں بعض مقامات پرگرج چمک کے ساتھ بارش کاامکان ظاہر کیاگیاہے۔

محکمہ موسمیات کا کہناہے کہ آج وفاقی دارالحکومت میں درجہ حرارت 16ڈگری سینٹی گریڈریکارڈ کیاگیا جبکہ لاہورمیں 21 ڈگری سینتی گریڈ،پشاورمیں 18،کراچی میں 26، کوئٹہ اورگلگت میں 11، مری میں 12اور مظفرآبادمیں 13 ڈگری سینٹی گریڈریکارڈ کیاگیاہے۔

محکمہ موسمیات نے امکان ظاہرکیاہے کہ بدھ کے روز ملک کے اکثر علاقوں میں موسم خشک رہے گا۔ تاہم ملک کے شمالی علاقہ جات میں موسم سرد رہنے کا امکان ہے۔

گذشتہ 24 گھنٹےکے دوران پنجاب، بالائی خیبرپختونخواہ اور گلگت بلتستان کے علاقوں میں چند مقامات پر بارش ہوئی۔

واضح رہے کہ پیرکے روز ملک کے اکثر علاقوں میں موسم خشک رہا۔ تاہم ہزارہ ، گلگت بلتستان اور کشمیر میں چند مقامات پر گرج چمک کیساتھ بارش ہوئی۔ کراچی کے حوالے سے محکمہ موسمیات کا نے گزشتہ روز پیشگوئی کی تھی کہ شہرقائد میں بارش کا کوئی امکان نہیں کیونکہ شہر میں بارش برسانے والاسسٹم رخصت ہوگیاہے۔

محمکہ موسمیات کی جانب سے شہر میں مزیدبارش نہ ہونے کہ پیشگوئی کرتےہوئے کہا گیا کہ بارش برسانے والا مغربی سسٹم کراچی سے رخصت ہوگیا۔

محکمہ موسمیات کے مطابق شہر میں بارش سے درجہ حرارت میں کمی جبکہ راتیں ٹھنڈی اورخنکی میں بھی اضافہ ہوگیا ہے۔

شہر میں گزشتہ روزکم سے کم درجہ حرارت23 اعشاریہ 5ڈگری سینٹی گریڈ ریکارڈ کیا گیاجبکہ ذیادہ سےزیادہ درجہ حرارت 35ڈگری سینٹی گریڈریکارڈ کیاگیاتھا۔

محکمہ موسمیات کاکہناتھاکہ شہر قائد میں شمال مشرق سے ہوائیں 18 کلومیٹر فی گھنٹہ کی رفتار سے چل رہی ہیں جبکہ ہوا میں نمی کاتناسب 57فیصد ہے۔