حیدرآباد میں بارشیں، 14 افراد جان بحق
حیدرآباد: تھرپارکر میں بارش کے دوران بجلی گرنے کے واقعات میں 14 افراد جان بحق ہوگئے ہیں۔
تفصیلات کے مطابق بارشوں کے دوران آسمانی بجلی گرنے کے نتیجے میں 6 خواتین سمیت14 افراد جان بحق ہوئے ہیں جبکہ آسمانی بجلی کی زد میں آکر 10 افراد شدید زخمی ہو گئے، جنھیں اسپتال منتقل کر دیا گیا ہے۔
ریسکیو ذرائع کا کہنا ہے کہ آسمانی بجلی گرنے سے درجنوں مویشی بھی مر گئے اور مالی نقصان بھی ہوا ہے جبکہ آسمانی بجلی گرنے کے واقعات ڈاہلی اور موکیار کے دیہات میں ہوئے ہیں۔
ملک کے بیشترعلاقوں میں بارش کا امکان
وزیراعلیٰ سندھ نے صوبائی وزیر فراز ڈیرو کو تھر میں نقصانات کا تعین کرنے کی ہدایت کردی ہے۔
یاد رہے کہ آج جنوبی پنجاب، سندھ، شمال مشرقی بلوچستان میں کہیں کہیں جبکہ بالائی پنجاب، خیبر پختونخوا ، اسلام آباد، گلگت بلتستان اور کشمیر کے اضلاع میں میں چند مقامات پر گرج چمک اور تیز ہواؤں کے ساتھ بارش اور پہاڑی علاقوں میں برفباری کا امکان ہے۔
ذرائع کے مطابق اسلام آباد میں بدھ کی صبح ہلکے بادل چھائے رہے اور سردی کی شدت میں بھی اضافہ ریکارڈ کیا گیاتھا جبکہ اسلام آباد کا درجہ حرارت طلوع آفتاب سے قبل 13 ڈگری سینٹی گریڈ ریکارڈ کیا گیا جو زیادہ سے زیادہ 24 تک تک جا سکتا ہے۔
واضح رہے کہ اس سے قبل محکمہ موسمیات کا کہنا تھا کہ شہر قائد میں 14 سے15 نومبر کے دوران بارش کا امکان ہے، اس سے متعلق چیف میٹرولوجسٹ سردار سرفراز کا کہنا تھا کہ ملک میں براستہ ایران مغربی ہواؤں کا نیاسسٹم داخل ہورہا ہے۔
انہوں نے بتایا تھا کہ ملک میں مغربی ہواؤں کانیاسسٹم داخل ہونے کے بعد کراچی سمیت سندھ بھر میں بارشوں کا امکان ہے جس کے سردی کی شدت میں اضافہ ہوجائیگا جبکہ درجہ حرارت رات کے اوقات میں 2 سے 3 ڈگری مزید گرے گا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News