لاہورمیں سموگ زور پکڑنے لگا ہے ۔

تفصیلات کے مطابق لاہور 279 ائیر کوالٹی انڈیکس کے ساتھ فضائی آلودگی میں دوسرے نمبر پر آ گیا ہے، سب سے زیادہ اے کیو آئی پنجاب اسمبلی کے اطراف میں 612 ریکارڈ کیا گیا۔

ذرائع کے مطابق پنجاب کے دیگر شہروں میں بھی دھند اور سموگ کے بادل چھائے رہے ہیں جبکہ گوجرانوالہ میں ائیر کوالٹی انڈیکس 444، فیصل آباد کا 494 اور ملتان میں 164 ریکارڈ کیا گیا۔

علامہ اقبال انٹرنیشنل ائیر پورٹ پر دھند اور سموگ کے باعث حد نگاہ 300 میٹر تک رہ گئی جبکہ آلو دہ سموگ اور دھند کی وجہ سے دوحہ اور دمام سے آنے والی پروازوں کا رخ اسلام آباد کی طرف موڑ دیا گیا۔

اس با رے میں محکمہ موسمیات کا کہنا ہے کہ آئندہ چو بیس گھنٹوں کے دوران بارش کا کوئی امکان نہیں ہے۔

گوجرانوالہ اور گردو نو اح میں سموگ کی روک تھام کے لیے اقدامات نہ کئے جا سکے جبکہ گوجرانوالہ ضلع بھر میں دفعہ 144کے نفاذ کے با وجودما حو لیا تی آلو دگی میں کمی نہ آسکی۔

گوجرانوالہ ضلع بھر میں مضر صحت دھواں چھوڑنے والی فیکٹریوں،کارخانوں اور صنعتی یونٹس کیخلا ف کا روائی عمل میں نہ لا ئی جا سکی جبکہ ضلع بھر میں سموگ کے باعث مطلع ابر آلود ہو گیا ۔

ذرائع کے مطابق سموگ کے باعث شہری کھا نسی ،زکام اور گلے کے امراض میں مبتلا ہو نے لگے۔