کہیں رم جھم، کہیں دھوپ، بارش کے بعد موسم خوشگوار

شبین رضا

24th Jun, 2020. 10:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کہیں رم جھم، کہیں دھوپ، بارش کے بعد موسم خوشگوار

پنجاب کے مختلف شہروں میں کہیں بارش کہیں رم جھم، لاہور میں بارش کے بعد موسم خوشگوار ہو گیا۔

محکمہ موسمیات کے مطابق آج دن بھر وقفے وقفے سے بارش کا سلسلہ جاری رہے گا۔

اسلام آباد میں بھی گزشتہ روز ہونے والی بارش کے بعد موسم خوشگوار ہے تاہم سورج اور بادلوں کے درمیان آنکھ مچولی کا سلسلہ جاری ہے۔

موسم کا حال بتانے والوں نے شہراقتدار میں آج بھی بارش برسنے کی نوید سنا رکھی ہے۔

پنڈی بھٹیاں، وزیر آباد اور گردونواح میں تیز ہواؤں کے ساتھ آسمان سے پانی برسا، جہلم میں گھنگھور گھٹاؤں نے دن کو رات میں بدل دیا۔

ڈسکہ شہر، جلالپور بھٹیاں اور گردونواح میں تیز ہواؤں اور گرج چمک کے ساتھ بارش کے بعد موسم خوشگوار ہو گیا۔

میانوالی اور گردونواح میں گرج چمک کے ساتھ موسلادھار بارش سے گرمی کا زور ٹوٹ گیا۔

دینہ، صفدرآباد، فاروق آباد، بھکرمیں بھی گرج و چمک کے ساتھ تیز بارش کے بعد موسم خوشگوار ہو گیا۔

محکمہ مو سمیات کے مطابق ملک کے بیشتر علاقوں میں موسم گرم اور خشک جبکہ سندھ، جنوبی پنجاب اور بلوچستان میں شدید گرم رہے گا تاہم پوٹھو ہار، بالائی پنجاب، بالائی خیبر پختونخوا، اسلام آباد، گلگت بلتستان اور کشمیر میں گرج چمک اور آندھی کے ساتھ بارش کا امکان ہے۔