کراچی میں آج سے گرمی کی شدت میں کمی متوقع

مریم حسن

02nd Jun, 2024. 10:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں آج سے گرمی کی شدت میں کمی متوقع

کراچی میں ہیٹ ویو کا زور ٹوٹ گیا ہے، جس کے پیش نظر آج سے گرمی کی شدت میں کمی متوقع ہے۔

محکمہ موسمیات کے مطابق شہر قائد کا موجودہ درجہ حرارت 30 ڈگری سینٹی گریڈ ہے جبکہ گرمی کی شدت 35 ڈگری تک محسوس کی جارہی ہے، زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے۔

شہر میں اس وقت جنوب مغرب سمت سے 19 کلو میٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 74 فیصد ہے۔

محکمہ موسمیات نے بتایا کہ کراچی میں آئندہ چوبیس گھنٹوں کے دوران موسم گرم اور مرطوب رہے گا، تاہم گرمی کی شدت میں آئندہ ہفتے کمی اور سمندری ہوائیں چلنے کا امکان ہے۔

اس کے علاوہ شہر قائد میں چلنے والی ہواؤں کی رفتار 30 سے 40 کلو میٹر فی گھنٹا ہو سکتی ہے اور اس دوران رات کے وقت کچھ مقامات پر بونداباندی بھی متوقع ہے۔

محکمہ موسمیات کا مزید کہنا ہے کہ جون میں درجہ حرارت 34 سے 36 کے درمیان رہتا ہے، سمندری ہوائیں چلنے کی وجہ سے ہوا میں نمی کا تناسب زائد ہوگا، تاہم نمی کا تناسب زائد ہونے کے باعث دن کے اوقات میں سمندر کے قریب علاقوں گرمی کی شدت زیادہ محسوس کی جائے گی۔