ایرانی پاسداران انقلاب نےغیرملکی ٹینکرکوحراست میں لے لیا

رومیصہ ملک

18th Jul, 2019. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی پاسداران انقلاب نےغیرملکی ٹینکرکوحراست میں لے لیا

ایران کی جانب سے دعوی کیا گیا ہے کہ پاسداران انقلاب کے گارڈز نےغیرملکی ٹینکرکوحراست میں لے لیا ہے ۔

ایران کے سرکاری ٹی وی کےمطابق پاسداران انقلاب نے کاروائی کرتے ہوئےغیر ملکی جہاز کوعملے سمیت حراست میں لےلیا ہے ۔ جہاز کا عملہ 12 افراد پر مشتمل تھا جبکہ ایران نے الزام لگایا ہے کہ جہاز میں تیل اسمگل کیا جارہا تھا ۔

رپورٹ میں مزید بتایا گیا ہے کہ جہاز میںایرانی ا سمگلرز کی جانب سے غیر ملکی افراد کو تیل فروخت کیا جارہا تھا جبکہ آبنائے ہرمز پر ایران کی جانب سے بروقت کاروائی کرتے ہوئے جہاز کو قبضے میں لیا گیا ہے ۔

جبکہ ایران کی جانب سے اب تک جہاز اور عملے کی شناخت کا نہیں بتایا گیا ۔

واضح رہے کہ دو روز قبل عرب امارات کی تیل کمپنی کا جہاز آبنائے ہرمز میں سفر کرتے ہوئے ایران کی سمندری حدود میں داخل ہو نے کے بعد لاپتہ ہوگیا تھا۔

جس پر ایران کے وزیرخارجہ کے ترجمان نے بیان دیا تھا کہ آئل ٹینکر تکنیکی خرابی کے باعث ایران کی سمندری حدود میں داخل ہوگیا تھا جس کی مدد کی جارہی ہے ۔

واضح رہے کہ ایران اور امریکا کے مابین، چھ عالمی طاقتوں کے درمیان ہونے والی نیوکلیر معاہدے کی وجہ سے کشیدگی میں روز بروز اضافہ ہوتا جارہا ہے ۔