سعودی خواتین کیلئے حکومت کا بڑا اعلان

عمر اللہ حسینی

02nd Aug, 2019. 07:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی خواتین کیلئے حکومت کا بڑا اعلان

سعودی حکومت نے خواتین کی خود مختاری کیلئے ایک اور تارریخی قدم اٹھا لیا۔
تفصیلات کے مطابق سعودی عرب میں پہلی بار مرتبہ خواتین کو مرد سرپرست کے بغیر بیرون ملک سفر کرنے کی اجازت دی گئی ہے۔
حکومت پاسپورٹ کی درخواست پرجنس کی تفریق کے بغیرہرشہری کو پاسپورٹ جاری کردے گی۔
پاسپورٹ حاصل کرنے کے لیے درخواست دینے والےافراد کی عمر 21 برس مقرر کی گئی ہے۔
واضح رہے کہ سعودی ویژن 2030 کے تحت سعودی حکام خواتین کو زیادہ سے زیادہ حقوق دینے کی کوشش کر رہے ہیں اور خواتین کو کسی پابندی کے بغیر بیرون ملک جانے کی اجازت دینا بھی اسی سلسلے کی ایک کڑی ہے۔

سعودی ویژن متعارف کرانے کے بعد سے سعودی حکومت نے ان تمام خامیوں کو دور کیا ہے جو خواتین کے لیے محفوظ اور آزادانہ زندگی گزارنے میں رکاوٹ کا باعث تھیں۔
سعودی حکومت کے اس فیصلے کو ملک بھر میں سراہا جا رہا ہے۔
سعودی حکومت کی حالیہ اصلاحات سے خواتین کو زیادہ سے زیادہ خودمختاری اور نقل و حمل میں آزادی ملی ہے۔
یاد رہے کہ سعودی ولی عہد محمد بن سلمان نے گذشتہ برس جون میں سعودی عرب کی تاریخ میں پہلی مرتبہ خواتین کو کار چلانے کی اجازت دی۔
خواتین کو سٹیڈیم میں جاکر مردوں کے ساتھ بیٹھ کر فٹ بال میچز دیکھنے کی اجازت دی۔
ان کی کھیلوں اور دیگر سرگرمیوں میں حصہ لینے کی حوصلہ افزائی کی اور خواتین کو ایسی نوکریاں کرنے کی اجازت دی جو صنفی امتیاز کی وجہ سے انہیں نہیں مل پاتی تھیں۔