کابل میں شادی کی تقریب میں دھماکہ، 63 افراد جاں بحق،متعدد زخمی

شبین رضا

18th Aug, 2019. 06:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کابل میں شادی کی تقریب میں دھماکہ، 63 افراد جاں بحق،متعدد زخمی

افغانستان کے دارالحکومت کابل میں ایک شادی کی تقریب میں خودکش دھماکے کے نتیجے میں 63 افراد ہلاک اور 180 سے زائد زخمی ہوگئے ہیں۔

تفصیلات کے مطابق خودکش بمبار نے شادی کی تقریب میں خود کو دھماکہ خیز مواد سے اڑا یا جس کے نتیجے میں 63 افراد جان کی بازی ہار گئے۔

اس افسوس نا ک واقعہ کے بعد امدادی ٹیموں نے زخمیوں کو فوراً اسپتال منتقل کیا جہاں ہلاکتوں میں مزید اضافے کا خدشہ ظاہر کیا جارہا ہے۔ افغان حکام کے مطابق خود کش دھماکے کے وقت شادی ہال لوگوں سے بھرا ہوا تھا، اطلاعات کے مطابق شادی کی تقریب میں تقریباً 1000 افراد شریک تھے۔

دوسری جانب افغان طالبان نے ایک بیان جاری کیا ہے جس میں ان کی جانب سے حملے میں ملوث ہونے کی تردید کی گئی ہے۔

واضح رہے کہ اس سے قبل گزشتہ ہفتے کابل پولیس اسٹیشن کے باہر دھماکہ ہوا تھا جس میں کم از کم 14 افراد ہلاک جبکہ 150 زخمی ہوگئے تھے حملے کی ذمہ داری طالبان نے قبول کی تھی۔