کشمیرکامسئلہ پاکستان اوربھارت کومل کرحل کرناہوگا،برطانوی وزیراعظم

ثمرا مظہر

21st Aug, 2019. 05:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیرکامسئلہ پاکستان اوربھارت کومل کرحل کرناہوگا،برطانوی وزیراعظم

برطانیہ کے وزیراعظم بورس جانسن نےکہاہےکہ کشمیرکامسئلہ پاکستان اور بھارت کومل کرحل کرناہوگاجس کیلئےمذاکرات بہترین راستہ ہے۔

ترجمان برطانوی وزیراعظم کی جانب سے جاری بیان کے مطابق بورس جانسن اور بھارتی وزیراعظم نریندر مودی کے درمیان ٹیلی فونک گفتگو ہوئی۔

ترجمان کاکہناتھاکہ بھارتی وزیراعظم نے بورس جانسن کو وزیراعظم کا عہدہ سنبھالنے پر مبارکباد دی۔ دونوں ممالک کےرہنماؤں کےدرمیان بات چیت کے دوران باہمی دلچسپی کے امورسمیت خطے کی صورتحال پر تبادلہ خیال کیا گیا۔

ترجمان برطانوی وزیراعظم کےمطابق مودی نےبات چیت کے دوران مقبوضہ کشمیر کی حالیہ صورتحال کا تذکرہ کیا جس پر برطانوی وزیراعظم نےکہا کہ برطانیہ سمجھتا ہے کہ مسئلہ کشمیر پاکستان اور بھارت کو باہمی طور پر حل کرنا چاہئیے اور برطانیہ اس مسئلے کے حل کے لیے مذاکرات کی اہمیت پر زور دیتا ہے۔

گزشتہ روزامریکی صدرڈونلڈ ٹرمپ کی بھی بھارتی وزیراعظم نریندر مودی اور پاکستانی وزیراعظم عمران خان سے ٹیلی فونک گفتگو ہوئی تھی۔

ڈونلڈ ٹرمپ نے بتایا کہ پاکستان اور بھارت کے رہنماؤں کے ساتھ کشمیر کے معاملے پر تناؤ اور کشیدگی کم کرنے کے اہم ترین موضوع پربات چیت ہوئی،ڈونلڈ ٹرمپ نےصورتحال کوتشویش ناک قراردیتےہوئےایک بار پھر کشمیرکے معاملےپرثالثی کی پیشکش کردی۔