حج میں فرض شناس سیکورٹی اہل کار کی سعودی وزیر داخلہ سے ملاقات

عروبہ خان

29th Aug, 2019. 03:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج میں فرض شناس سیکورٹی اہل کار کی سعودی وزیر داخلہ سے ملاقات

Saudi Interior minister- Hajj Gaurds NEW

سعودی وزیر داخلہ شہزادہ عبدالعزیز بن سعود بن نایف نے حج سیزن میں وائرل ہونے والے وڈیو کلپ سے ہیرو بن جانے والے سعودی سیکورٹی اہل کار ماجد بن نادر عبدالعزیز سے ملاقات کی ہے۔

تفصیلات کے مطابق دوران حج ایک عمر رسیدہ عرب خاتون نے اللہ کے مہمانوں کی خدمت میں انتھک کوششوں پر وہاں مامور ایک سیکورٹی اہل کار کو تحفتا کچھ پیش کیا جس پر سیکورٹی اہل کار نے مسکراتے ہوئے جواب دیا کہ “یہ میرا فرض ہے” اور وہ تحفہ لینے سے انکار کر دیا۔

اس واقع کے مطابق سیکورٹی اہل کار ماجد بن نادر عبدالعزیز نے کہا کہ میں حجاج کرام کو ٹرین کی جانب بھیج رہا تھا، اس دوران ایک عرب خاتون نے میری طرف آ کر کہا کہ اللہ تم کو خوش رکھے اور کہا کہ میں کچھ رقم بطور تحفہ پیش کرنا چاہتی ہوں، تو میں نے لینے سے انکار کردیا اور اس پر میں نے اس بڑی عمر کی خاتون سے کہا کہ یقینا یہ میرا فرض اور میرا کام ہے ، میں یہاں اللہ کے مہمانوں کی خدمت کے لیے موجود ہوں۔

ماجد بن نادر عبدالعزیز نے سعودی وزیر داخلہ سے ملاقات میں کہا کہ وہ اُن کی جانب سے ٹیلی فون کال موصول ہونے پر فخر اور مسرت محسوس کرتا ہے اور “اس کال نے میرے سینے کو ٹھنڈا کر دیا”۔

یاد رہے کہ سعودی وزیر داخلہ نے ماجد کو بطور انعام ایک لاکھ ریال اور ایک گاڑی پیش کرنے کا اعلان کیا تھا۔