انڈونیشیا میں زلزلے کے باعث ہلاکتوں کی تعداد 23 ہوگئی ۔

تفصیلات کے مطابق انڈونیشیا کے صوبے مالوکو کے شہر امبو میں 6 عشاریہ 4 کی شدت سے آنے والے زلزلے کے باعث عمارتوں کا ملبہ گرنے سے 23 افراد ہلاک اور 100 سے زائد زخمی ہوئے۔

15 ہزار سے زائد افراد کو محفوظ مقام پر منتقل کیا گیا ہے، زلزلے سے سینکڑوں مکانات، دفاتر اور اسکولوں کو نقصان پہنچا ہے۔

زلزلہ جمعرات کی صبح9بجے  آیاہے۔ زلزلےکامرکزامبون شہرسے23میل دور تھا۔

انڈونیشن حکام کاکہناہے کہ زلزلے کے باعث سونامی کا کوئی خطرہ نہیں ہے تاہم اسے طاقتور زلزلہ کےطور پرریکارڈکیاگیاہے۔

انڈونیشیا کی قومی ڈیزاسٹرمنیجمنٹ اتھارٹی کی جانب سےشہر میں سڑکوں اورعمارتوں میں زلزلے سےدڑاڑیں پڑنے کی تصاویز بھی جاری کی گئی ہیں۔

آبادی کے لحاظ سے مالوکو انڈونیشیا کا سب سے چھوٹا صوبہ ہے جہاں کل آبادی ایک کروڑ 70 لاکھ ہے۔

دوسری جانب ترکی کے شہراستنبول میں 5.8 شدت کے زلزلے کے نتیجے میں متعدد عمارتوں کو نقصان پہنچا تاہم کسی جانی نقصان کی اطلاع موصول نہیں ہوئی۔

عینی شاہدین کے مطابق زلزلے کے نتیجے میں استنبول میں ایک مسجد کو بھی نقصان پہنچا اور خوف کے مارے لوگ سڑکوں پر نکل آئے۔ زلزلے کے بعد دارالحکومت استنبول میں تعلیمی ادارے بند کردیے گئے۔

زلزلہ مقامی وقت کے مطابق شام ایک بج کر 59 منٹ پرآیا۔ زلزلے کامرکز استنبول سے 70 کلو میٹر مغرب میں 12 اعشاریہ 6 کلو میٹر زیرزمین بتایا جاتا ہے۔

امریکی ارضیاتی سروے کے مطابق استنبول میں زلزلے کی شدت 5 اعشاریہ 7 تھی جب کہ ترکی کے ریکٹر اسکیل پر اس کی شدت 5 اعشاریہ 8 بتائی گئی ہے۔