امریکی صدرکی سعودی ولی عہد سے ٹیلی فون پر گفتگو

شبین رضا

15th Sep, 2019. 07:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی صدرکی سعودی ولی عہد سے ٹیلی فون پر گفتگو

امریکا کے صدر ڈونلڈ ٹرمپ نے سعودی عرب میں تیل کی دو تنصیبات پر ڈرون حملوں کے بعد ولی عہد شہزادہ محمد بن سلمان سے ٹیلی فون پر بات چیت کی ہے۔

تفصیلات کے مطابق صدر ٹرمپ نے فون پر گفتگو میں کہا ہے کہ امریکا سعودی عرب کی سلامتی اور استحکام میں مد دینے کےلئے تیار ہے جبکہ امریکی وزیر خارجہ نے ان حملوں کا الزام ایران پر لگایا ہے۔

سعودی ولی عہد شہزادہ محمد بن سلمان نے امریکی صدر ٹرمپ کی پیش کش کے جواب میں کہا ہے کہ مملکت اس طرح کی دہشت گردانہ جارحیت سے نمٹنے کی صلاحیت اوربھر پور عزم رکھتی ہے۔

امریکی وزیر خارجہ مائیک پوپمپو نے سعودی عرب میں تیل کی دو تنصیبات پر ڈرون حملوں کا الزام ایران پر عائد کیا ہے۔

واضح رہے کہ گزشتہ دن سعودی عرب میں دو آئل ریفائنریز پر ڈرون حملے کیے گئے جس کے سبب سعودی عرب کی آدھی سے زیادہ آئل پروڈکشن کو بند کر دیا گیا ہے، تیل تنصیبات پر حملے سے خام تیل پیداوار میں یومیہ 57لاکھ فی بیرل کمی ہوئی۔