سعودی عرب کے وزیر خارجہ عادل الجبیر نے اپنے ایک بیان میں کہا ہے کہ سعودی عرب کے پاس ارامکو تنصیبات پرحملے کا جواب دینے کے لئے بہت سے آپشن ہیں۔
عرب میڈیا کے مطابق انہوں نے کہا کہ ارامکو پر حملہ غیرمعمولی واقعہ ہے اور ہم اس بات کا جائزہ لےرہے ہیں کہ تفتیش کے بعد ہمیں کیا قدم اٹھانا ہوگا۔
عادل الجبیر کا کہنا تھا کہ بمباری سے متاثرہ تیل تنصیبات کی بحالی اور مرمت کا کام تیزی کے ساتھ جاری ہے۔
الجبیر نے انکشاف کیا کہ ارامکو حملے کے بعد واشنگٹن کے ساتھ اعلی سطح پر ہم آہنگی موجود ہے۔ ٹرمپ انتظامیہ نے نئی پابندیوں کے ذریعے ایران کے خلاف ایک مضبوط موقف ختیار کیا ہے۔
سعودی وزیر خارجہ نے کہا کہ ایران خمینی انقلاب کے بعد سے ہی سعودی عرب کے خلاف جنگ جاری رکھے ہوئے ہے۔ تہران کو ارامکو تنصیبات پرحملوں کا خمیازہ بھگتنا پڑے گا۔
Advertisement
الجبیر نے توقع ظاہر کی کہ کہ یورپی ممالک ایرانی حکومت کے خلاف ٹھوس موقف کا مظاہرہ کریں گے۔ ان کا کہنا تھا کہ ایران پر معاشی دباؤ میں نرمی اسے مزید سخت کردے گی۔
انہوں نے ایران کی دہشت گردانہ سرگرمیوں سے نمٹنے کے لیے متفقہ میکنزم اپنانے کی ضرورت پر زور دیا۔
عادل الجبیرنے کہا کہ ہم یمن میں سویلین مقامات کو نہیں بلکہ فوجی مراکز کو نشانہ بنا رہے ہیں۔ انہوں نے مزید کہا کہ یمن کے بحران کے آغاز کے ساتھ ہی سعودی عرب نے یمن میں انسانی ہمدردی کے شعبوں میں 14 ارب ڈالر ادا کیے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
