مقبوضہ کشمیرمیں بھارتی ہٹ دھرمی کاسلسلہ بدستورجاری ہے، مقبوضہ وادی میں آرٹیکل 370 پربات کرنےوالےگرفتارافرادکومزیدمجبورکیاجانےلگا۔

تفصیلات کےمطابق بھارتی میڈیانےسچ اُگل دیا،بھارتی میڈیاکے مطابق مقبوضہ کشمیرکےنظربند افراد کو رہائی کے معاہدے پر دستخط کرنے کے لئے مجبور کیاجارہاہے۔

بھارتی میڈیانےمعاہدے کی کاپی شائع کردی جس کےتحت مقبوضہ جموں وکشمیرمیں حالیہ واقعات سے متعلق تبصرہ کرنے پر پابندی ہوگی۔ جبکہ معاہدے میں گرفتار افراد کی رہائی کیلئے مقبوضہ کشمیر میں حالیہ واقعات پر بولنےیااس پرتبصرہ نہ کرنےکی شرط رکھی گئی ہے۔

بھارتی میڈیانےبتایاکہ معاہدےکی خلاف ورزی کےنتیجے میں گرفتارشخص کوانتظامیہ کوجرمانہ اداکرناہوگا۔ معاہدے کےتحت رہائی پانے والےافرادمقبوضہ کشمیر کی صورتحال پر کسی اجتماع میں تقریر نہیں کرسکیں گے۔

بھارتی میڈیاکے مطابق معاہدےپردستخط کےوقت 10،000 روپےبطورضمانت جمع کرواناپڑےگاجبکہ خلاف ورزی کرنےوالےافراد پر 40،000 جرمانہ عائد کیاجائےگا اور اس صورت میں دوبارہ نظربندی کا بھی سامناکرناپڑےگا۔

واضح رہے کہ مقبوضہ کشمیرمیں بھارتی جارحیت کاسلسلہ جاری ہے، بھارت کے غیرانسانی ظلم و ستم کے تسلسل کو78 روز گزر گئےلیکن قابض بھارتی افواج اورمودی حکومت پہ چھائی مظلوم کشمیریوں کی ہیبت کا یہ عالم ہے کہ وہ کرفیو میں معمولی سی بھی نرمی دینے کے لیے تیار نہیں ہے۔

کمشیرمیڈیاسروس کے مطابق وادی کشمیرمیں جگہ جگہ بھارتی فوجی تعینات ہیں، کشمیریوں کا کہنا ہے وہ تمام رکاوٹیں توڑ کر آزادی حاصل کر کے ہی رہیں گے۔ آزادی کے متوالوں کی جانب سے سری نگر،بڈگام، گندربل، اسلام آباد، پلوامہ،کلگام، شوپیاں بانڈی پورہ، بارہمولا، کپواڑہ سمیت دیگر علاقوں میں مظاہرےجاری ہیں۔

مقبوضہ وادی میں آزادی کے نعروں کی گونج ہے، کشمیریوں میں بھارتی مظالم کے خلاف ڈٹے رہنے کا عزم ہے، دھڑا دھڑگرفتاریوں کے باوجود کشمیریوں کے حوصلے چٹان کی طرح مضبوط ہیں۔ کشمیری پاکستانی پرچم تھامے آزادی کے حق میں اور ’’گو انڈیا گو‘‘ کے نعرے لگا رہے ہیں۔

مقبوضہ کشمیرمیں انٹرنیٹ ،موبائل سروس، ٹی وی نشریات بدستورمعطل ہیں جبکہ حریت رہنماوں کوبھارتی فورسز نےجیلوں میں قید کررکھاہے۔ محبوبہ مفتی سمیت سابق وزرائے اعلیٰ  گھروں میں نظربندہیں۔

مقبوضہ وادی میں مظلوم کشمیریوں کودواؤں ،کھانےپینےکی اشیا کی شدید قلت کاسامناہے۔مقبوضہ وادی کےمظلوم مکین اپنی بنیادی ضروریات سے بھی محروم ہوگئے۔ مقبوضہ وادی میں نظام زندگی بدستور مفلوج ہے۔

خیال رہے کہ بھارت کی جانب سے کشمیریوں کی خصوصی حیثیت کو5 اگست کوحکمران انتہا پسندجماعت بے جے پی نےآرٹیکل 370 راجیہ سبھا میں پیش کرنےسےپہلے ہی یک طرفہ فیصلے کے تحت صدارتی حکم نامہ جاری کرکےختم کردیا۔

بھارت نےکشمیریوں کے خصوصی حقوق سے متعلق آئین کے آرٹیکل 370کو ختم کرکے مقبوضہ جموں وکشمیراور لداخ کودولخت کرکے بھارتی یونین میں شامل کرلیا۔