سعود ی   حکومت کا خواتین بااختیار  بنانے کے لئے   ایک اور اہم ا قدام ، سعودی    حکومت  نے خواتین کو  مسلح افواج میں ملازمت کی اجازت دے دی  ۔

غیرملکی خبررساں ادارے کی رپورٹ کے مطابق سعودی حکومت نے اعلان کیا ہے کہ مقامی خواتین اگر مسلح فوج میں ملازمت کرنا چاہتی ہیں تو انہیں مکمل اجازت ہے۔

یہ اقدام مملکت میں خواتین کے حقوق میں اضافے کے اقدامات کے سلسلے  کی ایک اہم کڑی   ہے۔

Another step to empowerment, #Saudi women to join the army for the first time pic.twitter.com/OyM6FBgpkF

Advertisement

— Foreign Ministry 🇸🇦 (@KSAmofaEN) October 9, 2019

سعودی وزارتِ خارجہ کی جانب سے ایک ٹویٹ کیا گیا جس میں کہنا تھا کہ ’’خواتین کو بااختیار بنانے کے لیے ایک اور قدم، اب تاریخ میں پہلی بار سعودی خواتین بھی آرمی میں شمولیت کرسکیں گی  ۔خواہش مند خواتین اپنی درخواستیں ریاض، مکہ ، مدینہ، الباحا سمیت دیگر شہروں میں جمع کراسکتی ہیں جس کے بعد اُن کا انتخاب کیا جائے گا اور باقاعدہ ٹرنینگ کے بعد انہیں تعینات بھی کیا جائے گا۔مسلح افواج میں ملازمت حاصل کرنے کے لیے حکومت کی جانب سے شادی شدہ یا غیر شادی شدہ کی شرط عائد نہیں کی گئی۔

گزشتہ سال ، سعودی عرب کی حکومت نے    خواتین کو اپنی سیکیورٹی فورسز میں شامل ہونے کا اختیار دیا تھا۔سعودی عرب کے  ولی عہد شہزادہ محمد بن سلمان نے   کچھ  اصلاحات کی  منظوری دے دی ہے جس کے  تحت  خواتین پر عائد پابندیاں  ختم کردیں  اور ان  اصلاحات کا مقصد  خواتین کے حقوق کوبڑھانا  ہے ، اس ضمن  میں  انہیں مرد “سرپرست” کی اجازت کے بغیر گاڑی چلانے   کی اجازت  دی تھی  ،  بعد ازاں مملکت نے اسٹیڈیم جانےاور محرم کے  بغیر بیرونِ ملک جانے سمیت دیگر کئی قوانین میں ترمیم کی ہیں ۔ ۔لیکن دوسری جانب سعودی       ولی عہد  نے  خواتین کے  حقوق کے لئے مہم چلانے والی   سرگرم کارکن لوجین الہتھلول سمیت متعددنمایاں          خواتین کو      گرفتار کرنے کا  حکم  بھی  د یا ہے۔