تھائی لینڈ:بادشاہ نےپولیس لیفٹیننٹ جنرل سمیت 6اعلیٰ افسران کوبرطرف کردیا

رومیصہ ملک

24th Oct, 2019. 02:47 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

تھائی لینڈ:بادشاہ نےپولیس لیفٹیننٹ جنرل سمیت 6اعلیٰ افسران کوبرطرف کردیا

تھائی لینڈکے بادشاہ نے پولیس کے لیفٹیننٹ جنرل سمیت 6 اعلیٰ افسران کو برطرف کردیاہے ۔

غیرملکی خبررساں ادارےکے مطابق تھائی لینڈ کےبادشاہ مہا وجیرا لانگ کورن نے انتہائی برے کردار پر ایک خاتون، رائل ہاؤس ہولڈ بیورو میں تعینات پولیس کے لیفٹننٹ جنرل سکولکٹ چنترا اور دو شاہی محافظوں سمیت 6 افراد کو ملازمت سے برطرف کر دیا۔

تھائی لینڈ کے بادشاہ مہا وجیرالونگ کورن کے حکم پر ملازمت سے فار غ کئےگئے محل کے 6 عہدیداروں میں ایک خاتون،سینیئرپولیس عہدیدار اورشاہی گارڈز شامل ہیں۔

شاہی محل کی جانب سے جاری فرمان کے مطابق برطرف کیے گئے افراد نے ذاتی یا دیگر لوگوں کے فائدے کے لیے اپنےعہدےکاغلط استعمال کیا۔شاہی فرمان میں مزید کہا گیا ہے کہ ان لوگوں نے شاہی قوانین پر عمل نہیں کیاہے جس کی وجہ سے شاہی معاملات کو نقصان پہنچاہے ۔

واضح رہےکہ اس سےقبل تین روز پہلےبھی تھائی لینڈ کےبادشاہ نے تھائی فوج کی میجرجنرل سنینات وونگوا جیراپاکڈی کونامناسب رویے اورتھائی بادشاہ مہاوجیرالانگ کورن سےبےوفائی پرعہدےسےہٹادیا تھا۔

یادرہے کہ مہاوجیرالانگ کورن 2016 میں اپنےوالدبھومیبول ادولیاج کےانتقال کےبعد تھائی لینڈکےبادشاہ بنے تھے۔