ملکہ برطانیہ الزبتھ نے کہا ہے کہ برطانوی حکومت یورپی یونین سےبہترتعلقات کیلیے کام کرے گی۔

 تفصیلات کے مطابق ملکہ الزبتھ دوئم نے برطانوی پارلیمنٹ سے خطاب کرتے ہوئے کہا کہ برطانوی حکومت عالمی امور میں اپنا کردار ادا کرتی رہے گی۔

ملکہ برطانیہ الزبتھ کا مزید کہنا تھا کہ حکومت برطانیہ ماحول کے تحفظ کے لیے پرعزم ہےاور یہاں رہنےوالےیورپی معمول کےمطابق برطانیہ کا حصہ ہوں گے۔

اس موقع پر برطانوی دارالعلوم میں وزیراعظم بورس جونسن سمیت دیگراراکین پارلیمنٹ بھی موجود تھے۔

واضح رہے کہ برطانوی شاہی جوڑا شہزادہ ولیم اورشہزادی کیٹ مڈلٹن پانچ روزہ دورہ پر پاکستان آرہے ہیں، برطانوی ہائی کمیشن پریس سیکشن کی جانب سے درجنوں پاکستانی صحافیوں پرتحفظات کا اظہارکرتے ہوئےنجی میڈیا کوکوریج سے روک دیا گیا ہے۔

برطانوی ہائی کمیشن کی پریس سیکشن کی جانب سےپاکستانی صحافیوں کی انکوائری کے بعد گنے چنے صحافیوں کو برطانوی جوڑے کی آمد پر کوریج کیلئے دعوت نامے جاری کیے گئے ہے۔

برطانوی شاہی جوڑے شہزادہ ولیم اور شہزادی کیٹ مڈلٹن کا یہ پہلا باضابطہ سرکاری دورہ پاکستان ہوگا جو پاک برطانیہ تعلقات کو مزید فروغ دے گا، برطانیہ کا شاہی جوڑا لاہور سمیت ملک کے مختلف علاقوں کا دورہ کرے گا۔

شاہی جوڑا پاکستان کے مختلف شعبہ ہائے زندگی سے تعلق رکھنے والے افراد برطانوی اور پاکستانی عسکری حکام سے ملاقاتیں بھی کرے گا۔
اس سے قبل شاہی رہائش گاہ کینسنگٹن پیلس کی جانب سے بھی پرنس ولیم اور کیٹ مڈلٹن کے دورہ پاکستان کی تصدیق کی جاچکی ہے۔

یاد رہے کہ شاہی جوڑے کےدورے کی درخواست برطانوی وزارت خارجہ اور دولت مشترکہ کے دفتر کی جانب سے کی گئی تھی۔