مسلم ورلڈ لیگ کے سیکریٹری جنرل ڈاکٹر محمد بن عبد الکریم العیسیٰ سے سابق برطانوی وزیر اعظم اور  ٹونی بلیئر  انسٹیٹیوٹ آف گلوبل وارمنگ کے چیئر مین ٹونی بلیئر نے ملاقات کی ہے۔

سعودی عرب کے شہر جدہ میں ہونے والی اس ملاقات میں مثبت تبدیلی کو فروغ دینے  ،اقوام ، ثقافتوں اور لوگوں کے مابین مشترکہ تفہیم میں اضافہ سے متعلق امور پر گفتگو کی گئی۔

مسلم ورلڈ لیگ کے سیکریٹری جنرل ڈاکٹر محمد بن عبد الکریم العیسیٰ  اورسابق برطانوی وزیر اعظم اور  ٹونی بلیئر  انسٹیٹیوٹ آف گلوبل وارمنگ کے چیئر مین ٹونی بلیئر  کے درمیان ہونے والی اس ملاقات میں مختلف مذاہب اور ثقافتوں  کو ماننے والوں کے درمیان ثقافتی اور تہذیبی تعلقات کی مضبوطی کے لےت ایک مشترکہ پلیٹ فارم  بنانے پر اتفاق کیا گیا۔

دنوں رہنماؤں نے مسلم ورلڈ لیگ  اور ٹونی بلیئر انسٹیٹیوٹ آف گلوبل چینج   باہمی تعاون کے ذریعےایسے پروگرامز متعارف کروانے کے عزم کا اعادہ بھی کیا جس سےدنیا بھر میں بیماریوں ، غربت  اور ناخواندگی  کا خاتمہ ممکن ہوسکے۔

سیکریٹری جنرل مسلم ورلڈ لیگ ڈاکٹر محمد بن عبد الکریم العیسیٰ اورسابق برطانوی وزیر اعظم  ٹونی بلیئر،  طلبہ میں تعلیمی ، تحقیقی اور ثقافتی تبادلہ پروگرامز لانے پر بھی متفق ہوئے جس سےدنیا بھر میں لوگوں میں مشترکہ اقدار کے بارے میں شعور اجاگر کرنے ،مذہبی رواداری کو فروغ دینے، اور انتہا پسندی اور منافرت کا مقابلہ کرنے میں مددملے گی۔امن کے فروغ کیلئے نوجوانوں کے کردار کی اہمیت، غریب طبقات میں ترقیاتی پروگرامز کے نفاذ سمیت دیگر اہم امور بھی ملاقات  میں زیر بحث رہے۔