بچوں کےجنسی استحصال کابڑااسکینڈل بےنقاب ہوگیاہےامریکاسمیت جنوبی کوریااوربرطانیہ نےمشترکہ  کاروائی  کرتےہوئے 38 ملکوں میں ڈارک ویب سےمنسلک 337 افرادگرفتارکرلیے ۔

غیرملکی خبررساں ادارےکےمطابق امریکا،برطانیہ اورجنوبی کوریا کےحکام نےدعویٰ کیاہےکہ مشترکہ کارروائی کےنتیجےمیں بچوں کےساتھ جنسی زیادتی وفحش فلمیں بنانےکادنیاکاسب سےبڑا نیٹ ورک بے نقاب کرلیاہے  ۔

جنوبی کوریاکےحکام کاکہناہےکہ کاروائی کےدوران کمپیوٹرسرورکوتحویل میں لےلیاہے۔جنوبی کوریاکےحکام کےمطا بق مذکورہ ویب سائٹ پر 10 لاکھ سےزائدبٹ کوئن ایڈریس برآمد کرلیےہیں،جبکہ اس ویب سائٹ میں رجسٹریشن کےلیےتقریباً 10 لاکھ صارفین کی گنجائش تھی۔

اس ضمن میں بتایاگیاہےکہ آپریشن کےنتیجےمیں امریکا،اسپین اوربرطانیہ سےکم ازکم 23 چھوٹےبچےبھی بازیاب کرائےگئےہیں ۔

امریکی ڈپٹی اسسٹنٹ اٹارنی جنرل ریچرڈ ڈاؤنگ نےبتایاکہ انٹرنیٹ پرمشتمل چائلڈپورنوگرافی نیٹ ورک مواد کےاعتبارسے دنیا کی سب سے بڑی جنسی استحصال کی مارکیٹ ہے۔

حکام نے نیوز بریفنگ میں بتایا کہ چائلڈ پورنوگرافی ویب سائٹس کو بٹ کوئن کے ذریعے مالی تعاون حاصل رہا لیکن دنیا بھر سے سیکڑوں مشتبہ ملزمان کو حراست میں لیا   گیاہے  ۔

غیر ملکی خبر رساں ادارے کے مطابق اس سلسلے میں واشنگٹن میں فیڈرل جیوری نے 23 سالہ جنوبی کورین باشندے پر ’ویلکم ویڈیو‘ نیٹ ورک چلانے کے الزام میں فرد جرم عائد کردیا ہے ۔

جبکہ  آسٹریلین پولیس نے بھی چائلڈ پورنو گرافی کے مذکورہ نیٹ ورک سے منسلک 300 ملزمان کو حراست میں لےکرتفتیش شروع کردی ہے۔