ہالینڈ میں ریفریجریٹڈ کنٹینرسےغیر قانو نی پچیس مہاجرین کوتشویشن ناک حالت میں گرفتارکیا گیاہے۔

غیر ملکی  خبررساں ادارےکے مطابق نیدرلینڈز کی بندرگاہ میں جہاز کےعملے نے ‘ریفریجریٹڈ کنٹینر سے 25 مہاجرین کو تشویش ناک حالت میں برآمد کرلیا جنہیں طبی امداد دی جارہی ہے۔

روٹرڈیم کی پولیس کاکہناہےکہ یہ مہاجرین ڈنمارک کے ایک جہاز کے کنٹینرمیں چھپے ہوئے تھے، اس کنٹینر کو لے جانے والے ڈرائیور کو گرفتار کر لیا گیا ہے لیکن یہ ابھی واضح نہیں ہے کہ آیا اسے ان مہاجرین کا علم تھا۔

پولیس کی جانب سے فی الحال پکڑے جانے والے تارکین وطن کی شناخت بھی ظاہر نہیں کی گئی ہے ۔

برطانیہ:شمالی انگلینڈمیں مشکوک ٹرک سے 39 لاشیں برآمد

غیر ملکی میڈیا رہورٹس کے مطابق   کنٹینر سے برآمد ہونے والے مہاجرین میں زیادہ تعداد مردوں کی ہے جبکہ دو افراد کنٹینر میں بے ہوش ہوگئے تھےجنہیں اسپتال منتقل کردیا گیا تھا جبکہ باقی 23 افراد کا بھی میڈیکل چیک اپ کیا جارہا ہے۔

فرانس:کنٹینرمیں چھپ کریورپ جانےوالے 31پاکستانی گرفتار

ڈچ پولیس نے ٹرک ڈرائیور کوانسانی اسمگلنگ کے جرم میں گرفتار کرکے واقعے کی تحقیقات شروع کردی ہیں جبکہ ٹرک کو بھی قبضے لےلیا ہے۔

واضح رہے کہ گزشتہ ماہ برطانیہ کی کاؤنٹی ایسکس کے علاقے واٹر گلیڈ انڈسٹریل پارک میں ایک کنٹینر سے 39 لاشیں برآمد ہوئی تھیں جنہیں پولیس نے ایمبولینس کے ذریعے اسپتال منتقل کردیا تھا۔