جنوبی افریقی ائیر لائنز کی تمام پروازیں منسوخ

عمر اللہ حسینی

14th Nov, 2019. 03:22 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

جنوبی افریقی ائیر لائنز کی تمام پروازیں منسوخ

ایک طویل عرصے سے مالی مسائل میں مبتلا جنوبی افریقہ ائیر لائنز SAAنے اپنے ملازمین کی طرف سے ہڑتال کے فیصلے کے بعد تمام پروازیں منسوخ کرنے کا اعلان کیا ہے۔

ائیر لائن کمپنی کی طرف سے جاری کئے گئے بیان کے مطابق ملازمین کی 2 لیبر یونینوں کی طرف سے ہڑتال کے فیصلے کے بعد جمعے اور ہفتے کی تمام اندرون اور بیرونِ ملک پروازیں منسوخ کر دی گئی ہیں۔

بیان میں کہا گیا ہے کہ ملک کی دیگر فضائی کمپنیاں اس فیصلے سے متاثر نہیں ہوں گی۔ علاوہ ازیں مسافروں کو ائیر پورٹ جانے سے قبل دوبارہ سے بکنگ کروانے کے بارے میں متنبہ کیا گیا ہے۔

اطلاع کے مطابق جنوبی افریقہ کی قومی اور پرچم بردار فضائی کمپنی SAAمالی مسائل کی وجہ سے تنظیمِ نو کے دوران 900 افراد کو ملازمت سے برطرف کرنے کا پروگرام رکھتی ہے۔

واضح رہے کہ SAA کو بھاری قرضے کے بوجھ کا سامنا ہے۔ کمپنی سال 2011 سے لے کر اب تک خسارے میں جا رہی ہے جس کی وجہ سے لیبر یونینوں کے ساتھ تنخواہوں میں اضافے کے بارے میں بھی کوئی سمجھوتہ طے نہیں کر پا رہی۔