مالی  میں فوج کے 2 لڑاکا ہیلی کاپٹرزفضامیں ایک  دوسرےسےٹکرا گئے جس کےنتیجےمیں  13  اہلکارہلاک ہوگئے۔

بین الاقوامی خبر رساں ادارے کے مطابق فرانسیسی فوج کے ہیلی کاپٹرز کےدرمیان تصادم کا واقعہ افریقی ملک مالی میں عسکریت پسندوں کے خلاف سرچ آپریشن کے دوران پیش آیا۔ رات کے اندھیرے میں دونوں ہیلی کاپٹرز ایک دوسرے سے ٹکرا گئے۔

فرانسیسی فوج کےترجمان کےمطابق ہیلی کاپٹرزتصادم میں 6 آرمی آفیسرز، 6نان کمیشنڈ آفیسرز اورکورپورل ہلاک ہوئے ۔

  فوج  کےترجمان نے 13  اہلکاروں کی موت تصدیق کرتے ہوئے بتایا کہ تصادم برکینا فاسو اور نائجریا کے سرحدی علاقے کے نزدیک پیش آیا جہاں ان ہیلی کاپٹرزنےفوجی جوانوں کو النصرہ کے جنگجوؤں کے ایک گروہ کے خاتمے کے لیے آپریشن کرنا تھا،فوجی ہیلی کاپٹرز کے درمیان تصادم کی وجوہات کے تعین کے لیےانکوائری کمیٹی تشکیل دے دی گئی ہے۔

فرانسیسی صدرایمانوئیل میکرون نےمالی میں 25 نومبر کو پیش آئے 13 فوجیوں کی ہلاکت پرانتہائی دکھ کااظہارکیاہے ۔

Treize de nos militaires sont morts hier au Mali. Ils étaient engagés dans une opération de combat contre des terroristes. Ces treize héros n’avaient qu’un seul but : nous protéger. Je m’incline devant la douleur de leurs proches et de leurs camarades.

— Emmanuel Macron (@EmmanuelMacron) November 26, 2019

مالی کےصدرابراہیم بوباکارنے بھی فرانسیسی ہم منصب کو تعزیتی پیغام بھیجتے ہوئے کہاکہ اہلکاروں کی  موت بہت  بہت بڑا نقصان ہے لیکن سہل کی عوام مرحومین کے دکھ میں برابرکےشریک ہیں۔

اس  کےعلاوہ فرانس کی پارلیمنٹ میں ہلاک ہونےوالوں فوجیوں کی یاد میں ایک منٹ کی خاموشی اختیار کی گئی۔

مالی میں انتہا پسندوں کے خلاف آپریشن میں مقامی فوج کی مدد کے لیے 2013 سے ہزاروں فرانسیسی فوجی تعینات ہیں۔ مالی  میں مداخلت کے بعد سے اب تک  41 فرانسیسی فوجی ہلاک ہوچکے ہیں۔

1986 کے بعدسےیہ پہلا واقعہ جس میں سب سےزیادہ تعدادمیں  فوجی  ہلاک  ہوئےہیں۔ اس سے قبل  1986 میں  ایک فرانسیسی سمندری نگرانی کا طیارہ شمالی جبوتی کے ایک پہاڑ سے ٹکرایا تھا  جس کے نتیجے میں 19 فوجی ہلاک ہوئےتھے۔