خادم الحرمین الشریفین شاہ سلمان بن عبد العزیز اور ولی عہد شہزادہ محمد بن سلمان کی جانب سے پاکستان میں ٹرین حادثے پر افسوس کا اظہار کیا گیا ہے۔

ٹرین حادثے میں 74 افراد کی ہلاکتوں پر صدر پاکستان سے تعزیت اور متاثرین زخمیوں کی حالت پر افسوس کیا گیا۔

برطانوی شاہی جوڑے شہزادہ ولیم اور شہزادی کیٹ مڈلٹن نے سانحہ تیزگام پر دکھ اور افسوس کا اظہار کیا ہے۔

تفصیلات کے مطا بق سما جی را بطے کی ویب سا ئٹ پر بر طا نوی شا ہی جو ڑے کی جا نب سے پا کستان کےلئے ایک پیغام دیا گیا کہ پاکستان دورے سے کچھ دن پہلے ہی لوٹے، ٹرین حادثے کی خبر افسوسناک ہے۔

Advertisement

The Duke and Duchess of Cambridge have sent a message to the President of Pakistan following the tragic fire on the Tezgam train near Rahim Yar Khan.https://t.co/WJZocOZRCK

— The Duke and Duchess of Cambridge (@KensingtonRoyal) October 31, 2019

شاہی جوڑے کا یہ بھی کہنا ہے کہ دعائیں اور ہمدردیاں ٹرین میں جاں بحق افراد کے متاثرین کے ساتھ ہیں۔

واضح رہے کہ گزشتہ دن کراچی سے راولپنڈی جانے والی تیز گام ایکسپریس میں پنجاب کے علاقے لیاقت پور کے قریب گیس سلینڈر پھٹنے سے آتشزدگی کے باعث 74 افراد جاں بحق اور متعدد مسافر زخمی ہوگئے تھے۔

ذرائع کے مطا بق تیزگام ایکسپریس کو حادثہ صبح چھ بج کر پندرہ منٹ پر پنجاب کے ضلع رحیم یار خان کی تحصیل لیاقت پور میں چنی گوٹھ کے نزدیک چک نمبر 6 کے تانوری اسٹیشن پر پیش آیا تھا۔

وزیراعظم پا کستان عمران خان نے اس افسوس ناک حادثے پر اپنے دکھ کا اظہار کرتے ہوئے غمزدہ خاندانوں سے تعزیت کا اظہار کیا تھا اور زخمیوں کو بہترین طبی سہولیات فراہم کرنے کی ہدایت بھی کی تھی۔