ایران نےامریکی حکام کےدباؤکےباوجودجوہری مواد کی افزودگی آج سےدوبارہ شروع کردی ہے۔

غیر ملکی خبررساں ادارےکےمطابق ایران نےگزشتہ روزاقوام متحدہ کی زیرنگرانی افزودگی دوبارہ شروع کرنےکااعلان کیاتھا،تاہم اب تہران حکومت نےافزودگی پرکام شروع کردیاہے۔

ایرانی جوہری پلانٹ کےسربراہ علی اکبرصلیحی کاکہنا ہےکہ ایران 5 فیصدافزودگی میں اضافہ کرےگا جو جوہری تابکاری کے لیے مناسب ہے۔

دوسری جانب  امریکی حکام کے ترجمان مورگن اورٹگس ردعمل دیتے ہوئے کہا ہے کہ ایران کی جانب سے اس قسم کے اقدامات کوئی نئی بات نہیں، ایسا ممکن تھا۔

انہوں نے خبردار کیاکہ ایران کی جانب سے جوہری مواد کی افزودگی میں اضافہ خطرے کاباعث بنےگا، یہ اقوام تہران حکومت کی جانب سے بڑی غلطی ہوگی۔

عالمی جوہری معاہدے کے تحت ایران پر جوہری مواد کی افزودگی پر پابندی عائد تھی لیکن  بدھ سے   ایران اقوام متحدہ کی زیرنگرانی دوبارہ افزودگی شروع کررہا ہے۔

گزشتہ روز منگل کوایرانی صدر حسن روحانی نے بدھ (آج )سے فردو پلانٹ پر یورینیم افزودگی کی سرگرمیوں کو بحال کرنے کا اعلان کرتے  ہوئے کہاتھا کہ بدھ سےتہران 1,044 سینٹری فیوجزمیں یورینیم گیس کی افزودگی شروع کرےگا۔

واضح رہےکہ رواں سال جولائی میں یورپی یونین نےایران کوخبردارکیاتھا کہ وہ فوری طورپریورینیم افزودگی بڑھانے کا سلسلہ روک دےاورماضی میں کیےگئےمعاہدے کی پاسداری کرے۔

 2015  میں  ایران اور چھ عالمی  قوتوں کےمابین معاہدہ طےپایاتھا۔اس معاہدے پر  ایران ، امریکہ ، برطانیہ ، فرانس ، جرمنی ، چین اور روس نے سن 2015 میں دستخط کیے تھے جس کے تحت ایران  کےشہرقُم  کے قریب واقع ایک پلانٹ فردو میں جوہری سرگرمی پر پابندی عائد کی گئی تھی۔