امریکامیں درجہ حرارت انتہائی کم ہوکرریکارڈسطح پرپہنچ گیا،شدیدسردموسم کےباعث چھ افرادہلاک   ہوچکےہیں جبکہ اسکول بنداور کاروباری سرگرمیاں معطل ہوگئیں ہیں۔

برطانوی نشریاتی ادارےکےمطابق شدیدسردی کاآغازسائبیریاسےچلنےوالی برفیلی ہواؤں سےہواجس سے امریکاکےکئی شہروں میں شدیدبرف باری ہوئی جہاں کنساس اورالینوئےمیں روزانہ ریکارڈ برف باری یکھنےمیں آرہی ہے۔

امریکی محکمہ موسمیات کا کہنا ہےکہ رواں ہفتے ہونے والے شدید برف باری سے کئی ریکارڈ ٹوٹ سکتے ہیں۔

برطانوی میڈیا کے مطابق  خراب موسم کے باعث اب تک 4 افراد جان سے جاچکے ہیں اور ایک ہزار سے زائد پروازیں بھی منسوخ ہوچکی ہیں جب کہ بعض علاقوں میں اسکولوں کو بند کردیا گیا ہے۔

امریکی محکمہ موسمیات کےمطابق خون جمادینےوالی ہواؤں کاسلسلہ مشرقی ساحل کی جانب پھیل رہا ہے۔

واضح رہےکہ  منگل کےروزامریکاکےکئی شہروں میں گزشتہ سال کےمقابلےمیں انتہائی کم درجہ حرارت ریکارڈکیاگیاجہاں ریاست کنساس کی گارڈن سٹی میں درجہ حرارت منفی 17 ڈگری تک گرگیاجب کہ شکاگو میں 1986 کےبعد درجہ حرارت منفی 13 سےبھی نیچےگرگیااورشہرمیں پیرکےروزریکارڈ برفباری بھی ہوئی۔

میڈیارپورٹس کےمطابق سڑکوں پربرف باری جمنےسےپرپھلسن کےواقعات رپورٹ ہوئےہیں،برف کی وجہ سےٹرک حادثےمیں 8 سالہ بچی ہلاک ہوگئی۔جبکہ ریاست مشن گن میں بھی سڑکوں کی حالت خراب ہونےکی وجہ سےٹریفک حادثےمیں تین افراد ہلاک ہوئے۔