مقبوضہ کشمیرمیں ہونےوالی شدیدبرفباری کےدوران بھارتی فوج کے 2 اہلکاروں سمیت 7 افراد ہلاک ہوگئے۔

کشمیرمیڈیاسروس کےمطابق مقبوضہ کشمیرمیں 16گھنٹےتک جاری رہنےوالی برفباری اورژالہ باری کے  نتیجےمیں 7 افرادہلاک  ہوگئےہیں ۔

ضلع کپواڑامیں طوفان کی زدمیں آکربھارتی فوج کے 2 اہلکارہلاک ہوئےجب کہ دھند کےباعث ٹریفک حادثےمیں بھی دواہلکار ہلاک ہوئے اورمختلف واقعات میں 5 افراد ہلاک ہوئے۔

محکمہ موسمیات کاکہناہے کہ سری نگرمیں ایک فٹ جب کہ کپواڑا، شوپیاں، گندبال اوربارہ مولا میں 3 سے 4 فٹ برفباری ریکارڈ کی گئی ہے۔ خراب موسم کے باعث تعلیمی ادارے بند کردیئےگئےہیں جب کہ مواصلاتی نظام منقطع ہے۔

 حکام  کے مطابق  سرینگر جموں شاہراہ ، سرینگر پونچھ شاہراہ اور سری نگر، کارگل شاہراہ سمیت وادی کشمیرکوپوری دنیاسےملانے والی تمام بڑی شاہراہوں پر برف گرنےسےٹریفک کا نظام مکمل طورپردرہم برہم ہوگیاہے۔ حکام نےمزیدبتایا کہ ان شاہراہوں پرتقریبادوہزارسےزائدگاڑیاں پھنسی ہوئی ہیں ۔

 جبکہ برف  باری کےنتیجےمیں رن وے پربرف جمع ہونے،اورحد نگاہ کم ہونےکی وجہ سےسری نگر ہوائی اڈےسےآنےجانےوالی تمام پروازیں منسوخ  کردی گئی ہیں۔

دوسری جانب برف باری نےبجلی کی تاروں کوبھی نقصان پہنچایاہےجس کےنتیجےمیں پوری وادی میں  بجلی کی فراہمی معطل ہوگئی ہے ۔  جبکہ  موسم کی صورتحال کےپیش نظرکشمیریونیورسٹی اوراسلامیہ یونیورسٹی آف سائنس اینڈٹیکنالوجی نے آج(جمعے) کوہونےوالےتمام پرچےملتوی کردئیےہیں۔