‘ٹویٹر’نےحزب اللہ کےسربراہ حسن نصراللہ کےبیٹےجوادنصراللہ کااکائونٹ بلاک کردیاہے۔

غیرملکی خبررساں ادارے کی رپورٹ کےمطابق مائیکروبلاگنگ ویب سائیٹ ٹوئٹرنےلبنانی شیعہ ملیشیاحزب اللہ کےسربراہ حسن نصراللہ کےبیٹےجوادنصراللہ کا ٹوئٹراکاونٹ بھی بلاک کردیاہے۔

   ٹویٹرکی طرف سےیہ پیشرفت ایک ایسےوقت میں سامنے آئی ہےجب گز شتہ منگل کوامریکانے جواد نصراللہ کوبلیک لسٹ کردیاتھا۔

ٹویٹرکادعویٰ ہےکہ جوادنصراللہ اپنےسخت موقف اورمتنازع فتووں کی تشہیر کےلیےاس پلیٹ فارم کو استعمال کرتاتھاجوکہ ٹویٹرکی پالیسی کےخلاف ہے۔ کمپنی کاکہناہےکہ جواد نصراللہ کےخلاف باربار شکایات آتیں اوراس کااکاونٹ بلاک کردیاجاتامگروہ نیااکاونٹ بنالیتاتھا۔

واضح رہےکہ گزشتہ ہفتےامریکی محکمہ خارجہ نے حزب اللہ کےرہ نماحسن نصراللہ کےبیٹےجواد نصراللہ پرپابندیاں عائد کی تھیں۔امریکانےجوادنصراللہ کو عالمی دہشت گرد قراردیاہے۔

پابندیوں میں ان کی تمام جائدادکومنجمدکرنےکےساتھ کام کرنےوالےبریگیڈ کوبھی پابندیوں میں شامل کیاگیا ہے۔

واضح رہےکہ امریکہ کےمتعددقانون سازوں نےٹویٹرکےسی ای اوجیک ڈورسی کویکم نومبرتک ان تمام اکاؤنٹس کوہٹانےکےلئےڈیڈلائن دی تھی جودہشت گردتنظیموں سےتعلق رکھتےہیں ،جن میں حماس اور حزب اللہ اوران گروپوں سےوابستہ افرادشامل ہیں۔

جبکہ امریکہ نےحماس اورحزب اللہ دونوں کودہشت گرد تنظیمیں قرادےچکاہےاورایران کےحمایت یافتہ دونوں گروپوں کےمتعددعہدیداروں پر پابندیاں عائد کردی ہیں۔اس سےقبل رواں ماہ، لبنان اورایران کی حمایت یافتہ تحریک حزب اللہ سےوابستہ ٹیلی ویژن اسٹیشن المنارکےایک روزبعدہی فلسطینی گروپ حماس سےتعلقات رکھنےوالےمتعدد افراد کےاکاؤنٹس کوٹویٹرنےمعطل کردیاتھا ۔