ایرانی شہری دفاعی تنظیم کےسربراہ غلام رضاجلالی نےکہاکہ امریکا نےایران کی تنصیبات اوربنیادی ڈھانچےکےخلاف سائبرجنگ کاآغازکردیاہے۔

عرب میڈیاکےمطابق پاسداران انقلاب کےبریگیڈیئررضاجلالی نےتہران میں ایک تقریرمیں کہاکہ امریکا نےایرانی سائبرانفراسٹرکچرپرباضابطہ طورپرسائبرجنگ مسلط کررکھی ہے۔

انہوں نے کہا کہ 20 جون کوایرانی فوج کی طرف سےامریکا کےایک ڈرون کومارگرائےجانےکےبعد امریکیوں نےایران کےبنیادی ڈھانچے،قدرتی گیس اوربجلی کی تنصیبات پرسائبرحملےشروع کررکھے ہیں۔

غیرملکی میڈیاکی رپورٹ میں دعوی کیاگیاہےکہ امریکی صدرڈونلڈ ٹرمپ کے حکم پرایرانی پاسداران انقلاب کے اڈوں،کمپیوٹرسسٹم کونشانہ بنانا اورایرانی میزائلوں کوکنٹرول کرنے والے کمپیوٹر نظام میں خلل ڈالنا ہےجس کےتحت سائبر حملےکیےجارہےہیں ۔

تاہم رضا جلالی نےدعویٰ کیاکہ امریکااپنے مقاصدمیں ناکام رہا ہے۔ان کاکہناتھاکہ ایرانی دفاعی فورسزنے امریکی کے سائبرحملےمکمل ناکام بنادیےہیں اورآگےبھی بناتےرہیں گے۔

دوسری جانب امریکی اخبارنےدعوی کیاہے کہ  ایران امریکی مفادات پرسائبرحملوں کاسلسلہ جاری رکھے ہوئے ہے۔ اخبارکی رپورٹ نےمائیکروسافٹ کمپنی کےحوالےسے بتایا کہ ایرانی ہیکروں نےامریکی صدارتی مہمات کو نشانہ بنانےکی کوشش کی۔مائیکروسافٹ کمپنی کےتوسط سےشائع ہونےوالی معلومات کےمطابق امریکی صدارتی امیدواروں، متعدد سرکاری عہدیداروں اورصحافیوں کےکمپیوٹرسسٹم کوسائبر حملوں کانشانہ بنایاگیا ۔

امریکی کمپنی نےالزام عائد کیاکہ ہیکروں کاتعلق ایران سےہے۔ ہیکنگ کےحملے اگست اورستمبر میں 30 دن تک جاری رہے۔ اس دوران صارفین کی 2700 سائٹس کوہیک کرنےکی کوشش کی گئی۔کمپنی نے تصدیق کی کہ چار ای میل ایڈریسز کو ہیک کیا گیا تھا، لیکن ان میں سےکوئی بھی انتخابی مہم کےممبروں یا سرکاری عہدیداروں کی ای میل آئی ڈی شامل نہیں۔یہ رپورٹ ایک ایسےوقت میں سامنے آئی ہے جب ایران خود تہران اور واشنگٹن کے مابین سائبر جنگ کے بارے میں بات کر رہا ہے۔