قازقستان میں مسافرطیارےکو حادثہ پیش آیاہےجس میں 15افراد ہلاک  ہوگئےہیں۔

قازقستان میں ایک مسافرطیارہ الماتی ایئرپورٹ کےقریب گرکرتباہ ہو گیاہے،حادثےکےشکارطیارے میں 15 مسافرسوارتھے۔

قازقستان سول ایوی ایشن کمیٹی نےحادثےمیں 15افراد کی ہلاکت کی تصدیق کردی ہے۔

رپورٹس کے مطابق بک ایئرکا طیارہ الماتی ایئرپورٹ سے اڑان بھرنےکےکچھ ہی دیربعد گرکرتباہ ہوا، حادثے کے فوراً بعد ایمرجنسی سروس کا عملہ جائے حادثہ پرپہنچ گیا، طیارے میں زندہ بچ جانے والوں کو ریسکیو کیاجا رہا ہے۔

میڈیارپورٹس کےمطابق طیارہ اڑان بھرنےکےبعدمطلوبہ بلندی حاصل نہ کرسکااورایک کنکریٹ بیرئیرسےٹکراتےہوئےایک دو منزلہ مکان پرگرگیا۔ طیارے میں آگ نہیں لگی، جس کی وجہ سے اموات زیادہ نہ ہونے کا امکان ہے۔

طیارہ قازقستان کے سب سے بڑے شہر الماتی سے دارالحکومت نور سلطان جارہاتھا۔

الماتی ایئرپورٹ انتظامیہ کاکہناہےکہ طیارے میں 95 مسافراورپانچ عملےکےارکان سوار تھے۔

Bek Air #Z92100 crashed shortly after takeoff from Almaty this morning. Preliminary ADS-B data is available at https://t.co/mZRiDsJVkx. We are currently retrieving and processing granular ADS-B data for this flight. pic.twitter.com/n0G5sujqiM

— Flightradar24 (@flightradar24) December 27, 2019

حکام کا کہنا ہے کہ طیارے کے حادثے کی وجہ جاننے کے لیے ایک خصوصی کمیشن قائم کیا جائے گا۔

قازقستان کے صدر قاسم جومارٹ ٹوکائیو نے متاثرین کے اہلِ خانہ کے ساتھ گہرے افسوس کا اظہار کیا ہے۔

کانگو میں چھوٹا طیارہ حادثے کا شکار، 24افراد ہلاک

 جنوری 2013 کوشمالی شہرکوکشیتاؤسےمسافربردار طیارہ الماتی کےقریب حادثےکا شکارہواتھاجس میں 20 افراد ہلاک ہوگئےتھے ۔

  جبکہ گزشتہ ماہ قازقستان ملٹری کےاعلی افسروں کولےجانے والا ایک فوجی طیارہ قازقستان کےجنوب میں گرکرتباہ ہواتھاجس میں  27 افرادہلاک ہوگئےتھے۔