تیونس میں سیاحوں سے بھری بس کھائی میں گر گئی جس کے نتیجے میں 24 مسافر ہلاک اور متعدد زخمی ہو گئے۔

غیر ملکی خبررساں  ادارے کےمطابق شمالی افریقی  ملک تیونس میں سیاحوں سےبھری بس  کھائی میں گرنےسے 24مسافر ہلاک جبکہ 18  زخمی ہوگئے۔

حکومتی ترجمان کے مطابق  حادثے کا شکار ہونے والی بس کے مسافر ملک کے مغربی حصے میں گھومنے پھرنے کی غرض سے سفر کر رہے تھے کہ اس دوران ان کی بس کو حادثہ پیش آگیا۔

حکام نےمزید بتایا کہ مسافر بس کا ڈرائیورتیزرفتاری کے باعث موڑ کاٹنے میں ناکام رہا اور بس گہری کھائی میں جا کر تباہ ہوگئی۔

تیونس کی وزارت داخلہ کےترجمان کاکہناہےکہ حادثے کاشکارہونےوالی بس میں 43 افرادسوارتھے۔

وزارت صحت کے ترجمان نے بتایا  کہ  اس حادثے میں 24 افراد ہلاک اور 18 زخمی ہوئے جن میں سے کچھ کو قریبی اسپتال منتقل کیا گیا ہے جب کہ  شدید زخمیوں کو تیونس کے خصوصی اسپتالوں میں منتقل کر دیا گیا ہے۔

 حادثے کےبعد تیونس صدراوروزیراعظم  نےتیونس کے شمال مغربی علاقے میں حادثے کی جگہ  کادورہ کیااور ہلاکتوں پرافسوس کااظہارکیا ۔

واضح رہے کہ عین دراہم تونیسیا کا ایک خوبصورت سیاحتی مقام ہے جو الجیریا کی سرحد پر پہاڑی سلسلوں کی وجہ سے مشہور ہے، عین دراہم کرومیری پہاڑوں میں سے ایک دجبل بیر کی ڈھلوان پر 800 میٹرکی اونچائی پر واقع ہے۔ یہ علاقہ    اپنی خوبصرتی کی وجہ سےبڑی تعداد میں سیاحوں کواپنی جگہ راغب کرتاہےلیکن ان کا بنیادی ڈھانچہ بہت خراب ہونےکی وجہ سے حادثات رونماہوتےہیں۔