بھارتیہ  جنتا  پارٹی  کے ترجمان نرسمہا راؤنے  کانگریس کے رہنما راہول گاندھی کوتنقیدکانشانہ بناتےہوئےکہاکہ آپ کا نام راہول گاندھی نہیں بلکہ راہول جناح ہوناچاہیئے  ۔

 بھارتی میڈیا کے مطابق  لوک سبھا میں بی جے پی  کے ترجمان نرسمہاراؤ کا کہنا تھاکہ راہو ل  گاندھی سیاسی خاندان کی نسل کے لیے ایک اور مناسب نام “راہول جناح” ہے۔

دہلی کے رام لیلا میدان میں کانگریس کی ’’ بھارت بچاؤ ریلی ‘‘ سے خطاب کرتے ہوئے ، کانگریس پارٹی کے رہنما نے حکومت کی جانب سے بھارت میں “ریپ ان انڈیا” کے الزامات کے معافی مانگنے کی ہندوستان کی حکمران جماعت کے مطالبے کو مسترد کردیا۔

راہول  گاندھی  نےتنقید کا جواب دیتے ہوئےکہاکہ ان کا نام راہول گاندھی ہےنہ کہ راہول ساورکراوروہ سچ بولنے پرکبھی معافی نہیں مانگیں گے۔

بی جے کے ترجمان راؤ کاکہناتھا کہ گاندھی کی ’’مسلم اصلاحی  سیاست‘‘ انہیں پاکستان کے بانی کے قابل بنادیتی ہے۔ آپ کے لئے راہول گاندھی سے  زیادہ مناسب نام راہول جناح ہے۔

بی جے پی کے ترجمان نے مزید کہا ، آپ کی مسلم اصلاحی سیاست اور ذہنیت آپ کو ساورکر کی نہیں ، محمد علی جناح کا ایک جانشین  بناتی  ہے ۔

بی جے پی کے ایک اوررہنماسمیت پترا نے کہا کہ گاندھی کبھی بھی  راہول ساورکر  نہیں ہوسکتے ہیں۔ بی جے پی کے رہنما کا  مزید کہنا تھا  کہ  ساورکر حب الوطنی ، بہادری اور قربانیوں کے لئے کھڑے ہوئے جبکہ کانگریس کے رہنما قطعی مخالف ہیں۔

بی جے پی کے انفارمیشن ٹیکنالوجی سیل کے سربراہ امیت مالویہ نے ٹویٹ کیا کہ کانگریس کے سابق صدر ٹھیک تھے کہ وہ کبھی بھی راہول ساورکر نہیں بن سکتے۔