ملکہ برطانیہ نےشہزادہ ہیری اورمیگھن کےفیصلےکااحترام  کرتےہوئے کہاہےکہ  وہ  شہزادہ  ہیری اورمیگھن  کی جانب سے  خودمختارزندگی  گزارنےکی خواہش  کی حمایت کرتی ہیں۔

ملکہ برطانیہ نے شہزادہ ہیری اورمیگھن کو ’عبوری عرصہ‘ فراہم کرنےپراتفاق کیا ہے جس میں وہ کینیڈا اوربرطانیہ میں وقت گزار سکیں گے۔

ان کا مزید کہنا تھا کہ ’حالانکہ ہم چاہتے تھے کہ وہ کل وقتی طور پر شاہی خاندان کا حصہ رہتےتاہم ہم ان کی بطور خاندان ایک مزید آزادانہ زندگی بسر کرنے کی خواہش کا احترام کرتے ہیں لیکن ساتھ ہی وہ ہمارے خاندان کا ایک اہم حصہ ہیں۔‘

ملکہ کی جانب سے جاری کردہ اعلامیے کے مطابق سینڈریگھم میں ہونے والی بات چیت انتہائی مثبت رہی جن میں شہزادہ چارلس اور ڈیوک آف کیمبرج شہزادہ ولیمز بھی موجود تھے۔

شاہی خاندان کی جانب یہ اعلامیہ سینئراراکین کےایک اجلاس کےبعدجاری کیا گیا جس میں شہزادہ ہیریاور میگھن کے مستقبل کے حوالے سے مشاورت ہوئی۔

دوسری جانب کینیڈاکے وزیرِاعظم جسٹن ٹروڈو نےمیڈیاسےبات کرتے ہوئے بتایا کہ جوڑے کی کینڈامنتقلی کےحوالےسے کوئی ’بات چیت‘ نہیں ہوئی ہے اور نہ ان کی سیکیورٹی کے مسائل یا کینیڈا کی عوام پر ان کی منتقلی سے پڑنے اثرات کے حوالے سے گفتگو ہوئی ہے۔

واضح رہےکہ گزشتہ ہفتے شہزادہ ہیری اور میگھن کی جانب سے شاہی  خاندان  کے  خصوصی  فرد کی  حیثیت سے دستبردار ہونے کا اعلان سامنےآیا تھا۔

اس فیصلےکےحوالے سے ڈیوک اورڈچز آف سسیکس نے شاہی خاندان کے کسی بھی رکن سے مشورہ نہیں کیا تھا تاہم ان کے مطابق یہ فیصلہ کئی مہینوں کی سوچ بچارکےبعدسامنےآیا۔