سلطان قابوس کےانتقال کے بعد ان کےچچا زاد بھائی ہیثم بن طارق کو ملک کا نیا حکمران کردیا گیا ہے۔

عمانی میڈیا کے مطابق سلطان مرحوم کے چچا زاد بھائی اور وزیر ثقافت ہیثم بن طارق السید کوعمان کا نیا سلطان چن لیا گیا ہے۔ شاہی خاندان نے ہیثم بن طارق السید کو ملک کا نیا سلطان منتخب کیا۔

ہیثم بن طارق نے آکسفورڈ یونیورسٹی سے تعلیم حاصل کی ہے۔ وہ عمان کی وزارت خارجہ کے سیکرٹری جنرل اور انڈر سیکرٹری کے طور پر بھی خدمات انجام دے چکے ہیں۔

 ہیثم بن طارق 13 اکتوبر 1956 کو پیدا ہوئے اور ان کی عمر 65 سال ہے۔

واضح رہے کہ اس سے پہلے اومان کی حکمرانی سلطان قابوس کررہے تھے جن کا79 برس کی عمر میں انتقال ہوچکاہے، خبر ایجنسی کے مطابق وہ طویل عرصے سے بیمار تھے۔

سلطان قابوس نے 1970 میں اومان کا تخت سنبھالا تھا، وہ اومان کی غیرجانبدار خارجہ پالیسی کے حوالے سے مشہور تھے، ان کےدور میں اومان نے ترقی کی منزلیں تیزی سے طے کیں۔

خبرایجنسی کا کہنا ہے کہ سلطان قابوس کی اولاد نہیں،کیونکہ انہوں نے شادی نہیں کی تھی۔ سلطان نے اپنا کوئی جانشین بھی نامزد نہیں کیا تھا۔

خبرایجنسی کےمطابق عمان کا شاہی خاندان 3 روز میں جانشین کا چناؤ کرنے کا مجاز ہے،  شاہی خاندان 3 روز میں جانشین کا چناؤ نہ کرسکا تو کونسل اور عدالت فیصلہ  کرے گی۔

دوسری جانب وزیراعطم عمران خان نےسماجی رابطے کی ویب سایٹ ٹویٹر پرٹویٹ کرتے ہوئے سلطان قابوس کے انتقال پر اظہارتعزیت کیااور کہاکہ اومان کوانہوں نے جدید ریاست میں تبدیل کیا،اللہ تعالی سلطان قابوس کو بلند درجات عطافرمائیں۔